राजविराज– सप्तरीको सुरुङ्गा नगरपालिका–१ का अध्यक्ष मुक्ति कार्कीको निधन भएको छ। कार्कीको ५५ वर्षको उमेरमा आइतवार साँझ निधन भएको हो।
केही समयदेखि अस्वस्थ रहँदै आएका कार्की गत स्थानीय तह निर्वाचनमा तत्कालीन नेकपा एमालेबाट वडध्यक्षमा निर्वाचित भएका थिए। उनका श्रीमती, २ छोरी र १ छोरा छन्। उनको सोमबार अन्त्येष्टि गरिएको छ ।
वडाध्यक्षको निधन भएपछि शोक मनाउन सोमबार नगरपालिका र मातहतका कार्यालयमा बिदा गरिएको गरपालिकाका मेयर मुक्तिनाथ चौधरीले जानकारी दिए।
यसैगरी, तत्कालीन मोहनपुर गाविसका पुर्व अध्यक्ष जिज्ञानन्द चौधरीको पनि आईतबार निधन भएको छ। शम्भुनाथ नगरपालिका ६ निवासी ६८ वर्षीय चौधरीको भारतको विहारस्थित एआरपी मेमोरियल अस्पतालमा निधन भएको हो। चौधरी लामो समयदेखि क्यान्सर रोगबाट पीडित थिए।
०३६ सालको जनमत संग्रहपछि भएको स्थानीय निकायको निर्वाचनमा उनी गाविस अध्यक्षमा निर्वाचित भएका थिए। तत्कालीन मैनासहश्रवाहु गाविसस्थित मावि सर्पालालपट्टिको प्रधानअध्यापकबाट राजीनामा दिएर राजनीतिमा आएका चौधरी दुई पटक गाविस अध्यक्ष भएका थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।