जनकपुर- जनकपुरधाम उपमहानगरका मेयर लालकिशोर साहले सहिद महिला पत्रकार उमा सिंहका नाममा अक्षय कोषको स्थापना गर्ने घोषणा गरेका छन्।
भिजिट मधेसद्वारा जनकपुरमा आइतबार आयोजित तराई मधेस पर्यटन प्रवर्द्धनसम्बन्धी अन्तर्क्रिया कार्यक्रममा सम्बोधन गर्दै मेयर साहले शहीद पत्रकार सिंहका नाममा ५ लाखको अक्षय कोषको स्थापना गर्ने घोषणा गरेका हुन्।
मेयर साहले ‘कर्मवीर योद्धा’उमा सिंहका नाममा अक्षय कोष स्थापना गर्ने बताउँदै भने, 'पत्रकारिता क्षेत्रमा न्याय र समानताका लागि स्वतन्त्र तथा निष्पक्ष रूपमा कलम चलाउनेलाई यो सम्मान प्रदान गरिने छ।'
साहले अगामी वर्षदेखि पत्रकार सम्बद्ध संघसंस्थाको सहयोगमा न्याय र समानताका लागि कलम चलाउने पत्रकारको छनोट गरी सम्मानित गर्ने बताए।
उनले उमा सिंहको तत्कालीन स्वतन्त्र र निष्पक्ष पत्रकारिताको प्रशंसा समेत गरे।
उमा सिंह हत्याको ११ वर्ष
सिंहको हत्या भएको ११ वर्ष पूरा भएको छ। शहिद पत्रकार उमा सिंहको हत्या भएको दिन पुस २७ लाई पत्रकारहरुले कालो दिनको रूपमा पनि मनाउने गरेका छन्।
जनकपुरस्थित रेडियो टुडेमा कार्यरत सिंहको २०६५ पुस २७ गते राती हत्या गरिएको थियो। रेडियोबाट समाचार वाचन गरेर साँझ डेरा फर्किने क्रममा उनलाई धारिलो हतियार प्रहार गरी हत्या गरेको थियो।
जग्गा हडप्न उनकी आफ्नै भाउजु ललिता सिंहले अपराधिक समूहबाट हत्या गराएको खुलेको थियो। हत्यामा संलग्नहरू हाल अदालतबाट तोकेको सजाय भुक्तानी गरी कैदमुक्त भइसकेका छन्। सिंहका बुवा र दाइलाई तत्कालीन माओवादीले अपहरण गरी बेपत्ता बनाएको थियो। उनीहरू अझै बेपत्ता छन्।
सिरहाको मिर्चैया घर भएकी सिंहको हत्यापछि आमा सुशिला सिंह असुरक्षाका कारण भारत बस्दै आएकी छन्।
२०६५ पुस २७ मा जनकपुरधाम उपमहानगरपालिका १४ स्थित गोविन्द कार्कीको घरमा डेरा लिई बस्दै आएको अवस्थामा राति सवा ७ बजेको समयमा करिब ७ -८ जनाको समूहले एक्कासी कोठामा प्रवेश गरी उनीमाथि अन्धाधुन्ध खुकुरी प्रहार गरेका थिए।
खुकुरी प्रहारबाट गम्भीर घाइते उनलाई थप उपचारको लागि काठमाडौं लगिरहेको अवस्थामा बाटोमै मृत्यु भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773992198-1773992913.jpeg)
copy-1773987607-1773988633.jpg)
-1766039188.jpg)
-1764146706.png)
-1773837959.png)
