जनकपुर- टिपरले किचेर हत्या गरिएका नदीजन्य पदार्थको अवैध उत्खनन विरुद्धका अभियन्ता ओमप्रकाश (दीलिप) महतोको शव मुचुल्का नगरी उठाएको भन्दै इलाका प्रहरी कार्यालय ढल्केबरका प्रहरी निरीक्षकलाई जिल्ला प्रहरी कार्यालय तानिकएको छ।
दिलीपको शव बिना मुचुल्का उठाएको भन्दै ढल्केबरका इन्चार्जसमेत रहेका प्रहरी निरीक्षक रामकुमार यादवलाई जिल्ला प्रहरी कार्यालय धनुषामा तानिएको हो।
धनुषाको मिथिला नगरपालिका-५ श्रीपुरका २४ वर्षीय युवा दीलिपलाई टिपरले किचेर हत्या भएको थियो।
प्रहरी निरीक्षक यादवले ठेकेदार र बालुवा प्रशोधन उद्योगका सञ्चालक विपिनकुमार महतोसँग मिलेर मुचुल्का बिनै शव उठाएको आरोप स्थानीयले लगाउँदै आएका छन्।
टिपरले किचेर हत्या प्रकरणमा विवादित बनेका इन्स्पेक्टर यादवलाई आइतबार जिल्ला तानिएको भए पनि जिल्ला प्रहरी कार्यालय धनुषाका प्रमुख एसपी रमेश बस्नेतका अनुसार विवादका कारण भन्दा पनि प्रहरीभित्रकै आन्तरिक कारणले उनलाई जिल्ला बोलाइएको हो।
इन्स्पेक्टर यादव मोरङको विराटनगरस्थित इलाका प्रहरी कार्यालय रानीको प्रमुख हुँदा पनि तस्करसँग ‘सेटिङ’ मिलाएर सीमावर्ती क्षेत्रमा तस्करी चलाएको आरोपमा कारबाही भोगिसकेका व्यक्ति हुन्। त्यहाँ रहँदा उनले तस्करसँग मासिक रुपमा पैसा लिएर लागुऔषध ओसारपसारदेखि दैनिक उपभोग्य सामग्री समेत नेपाल ल्याउन र भारततर्फ लैजाने व्यवस्था मिलाएको आरोप लागेको थियो।
उनी राजपा नेता राजकिशोर यादवका भाइ हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771406444.png)
-1764146706.png)
