प्युठान– प्युठानको स्वर्गद्वारी दर्शन गर्न आएका एक भारतीयको बसको ठक्करबाट मृत्यु भएको छ। मृत्यु हुनेमा भारतको उत्तरप्रदेश सराबस्तीका २६ वर्षीय गुरुप्रसाद यादव रहेको प्युठान प्रहरीले जनाएको छ।
स्वर्गद्वारी नगरपालिका २ बाईनेटामा स्वर्गद्वारीबाट दाङतर्फ जाँदै गरेको ना ३ ख ५५५९ नम्बरको बसको ठक्करबाट उनको घटनास्थलमै मृत्यु भएको जिल्ला प्रहरी कार्यालय प्युठानका प्रहरी नायब उपरीक्षक नरेन्द्रकुमार कार्कीले जानकारी दिए। उनका अनुसार सोही बसको ठक्करबाट अर्का भारतीय नागरिक २३ वर्षीय नथुराम यादव घाईते भएका छन्। उनको बायाँ खुट्टा भाँच्चिएको छ। घाइते यादवलाई थप उपचारका लागि दाङ लगिएको छ।
स्वर्गद्वारी मन्दिर दर्शन गरी फर्कने क्रममा ओरालो बाटोमा गाडीबाट झरेर पैदल हिडने क्रममा दुर्घटना भएको हो अस्थायी प्रहरी पोष्ट स्वर्गद्वारीले गाडी र चालकलाई नियन्त्रणमा लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
