भिरबाट जिप खस्दा वडाध्यक्षसहित ५ जना गम्भीर घाइते

ब्लग

नेपाल लाइभ मंगलबार, चैत २०, २०७४ ०३:१२

दैलेख– दैलेखको आठबीस नगरपालिका–८ स्याउलीकाँधबाट वडा नम्बर ९ छेपाडीतर्फ जाँदै गरेको भे १ च २१४८ नम्बरको बोलेरो जिप दुर्घटनामा परेको छ।

जिप सोमबार राति करिब ८ः३० बजे दुर्घटना भई सडकबाट २ सय ५० मिटर तल खसेको प्रहरीले जानकारी दिएको छ। जिप दुर्घटनामा परी आठबीस नगरपालिका–९ का वडाध्यक्ष धनबहादुर सिँजापती गम्भीर घाइते भएका छन्।

जिपमा सवार वडा नम्बर ९ का लालबहादुर बडुवाल, नविन बडुवाल, सूर्यबहादुर बडुवाल र कमल बडुवाल घाइते भएका छन्। उनीहरुको टाउको, आँखा र मुखमा गम्भीर चोट लागेको छ। चालक सामान्य रहेको प्रहरीले जानकारी दिएको छ।

गम्भीर घाइते भएका सबैको उपचारका लागि प्रदेश राजधानी सुर्खेत ल्याइएको जिल्ला प्रहरी कार्यालय दैलेखले जानकारी दिएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

डढेलोका कारण धुवाँ फैलिएपछि लस एन्जलसका बासिन्दालाई घरभित्रै बस्न आग्रह

सिद्धान्त मिल्नेसँग पार्टी एकता हुन्छ : कमल थापा

जानकी मन्दिरमा सवा लाख दीप प्रज्वलन( तस्विरहरु)