काठमाडौं- ४ लाख १३ हजार नेपाली नक्कली नोटसहित ४ जनालाई प्रहरीको केन्द्रीय अनुसन्धान ब्युरो (सिआइबी) ले पक्राउ गरेको छ।
पक्राउ पर्नेमा सल्यानको शारदा नगरपालिका–७ का २९ वर्षीय कमल बुढाथोकी भन्ने कोवीराम बुढाथोकी, काभ्रेको पाँचखाल नगरपालिका–१३ का ३२ वर्षीय बलबहादुर रानामगर, डोटीको पूर्वी चौकी गाउँपाकिला–३ का २४ वर्षीय अर्यान खड्का, धनकुटाको छत्र जोरपाटी गाउँपालिका–३ का ३६ वर्षीय छत्रबहादुर लिम्बू छन्।
गोंगबुबाट पक्राउ परेका बुढाथोकीबाट प्रहरीले २ लाख ९८ हजार नक्कली नोट बरामद गरेको थियो। उनी नक्कली नोट बजारमा पु¥याउने मुख्य व्यक्ति भएको प्रहरीले जनाएको छ।
पक्राउ परेका बलबहादुर भने जाली नोट बनाउने गिरोहका मुख्य व्यक्ति भएको प्रहरीले जनाएको छ। उनको साथबाट प्रहरीले ९० हजार नक्कली नोट, फोटोकपी मेसिन तथा सीपीयु बरामद गरेको छ। आर्यन भने जाली नोट डिजाइतकर्ता भएको पाइएको छ। उनको साथबाट प्रहरीले २५ हजार नक्कली नोट बरामद गरेको थियो।
छत्रबहादुर भने जाली नोट बजारमा पु¥याउने व्यक्ति भएको पाइएको छ। मुलुकी अपराध संहिता, २०७४ अनुसार मुद्रासम्बन्धी कसुरमा उनीहरुलाई ५ वर्षदेखि १० वर्षसम्म कैद र ५० हजारदेखि १ लाखसम्म जरिवाना हुने व्यवस्था छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
