एक सातादेखि बेपत्ता १४ वर्षीय किशोर अझै फेला परेनन्

ब्लग

नेपाल लाइभ सोमबार, चैत १९, २०७४ ०१:१४

लहान- सिरहाको धनगढीमाई नगरपालिका–९ मुसहर्नियाँका १४ वर्षीय किशोर सुशान्त दयाल एक सातादेखि बेपत्ता भएका छन्।

गाउँ नजिकैको चैनपुर माविमा कक्षा ६ मा अध्ययनरत सुशान्त गत सोमबार बिहानदेखि बेपत्ता भएका हुन्। ‘विद्यालय जान्छु’ भन्दै घरबाट हिँडेका उनी घर नआउँदा परिवारका सदस्य चिन्तित बनेका छन्।

बेपत्ता भएको भोलिपल्टै सुशान्तको खोजतलासका लागि इप्रका धनगढीमाईमा निवेदन दिए पनि अहिलेसम्म कुनै खबर नआएको किशोरका आमा रिमाले बताइन्। सुशान्तका बुबा रामबाबु भने वैदेशिक रोजगारीमा छन्।

जिल्ला प्रहरी कार्यालयका प्रवक्ता तथा प्रहरी नायब उपरीक्षक राजेन्द्र भेटवालले बेपत्ता सुशान्तको खोजी कार्यका लागि सबै प्रहरी कार्यालयमा पत्राचार गरी खोजी भइरहेको जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछाने अदालतमा उपस्थित, थुनछेक बहस आजै

भरियाले धानेकोे खुम्बु क्षेत्रको ढुवानी

नेपाल-भारत संयुक्त व्यापार मञ्च बैठक, द्विपक्षीय व्यापार विस्तारमा जोड, उठ्यो बिआइएसको मुद्दा