जिफन्टको अध्यक्षमा विनोद श्रेष्ठ चयन

ब्लग

नेपाल लाइभ आइतबार, चैत १८, २०७४ १२:१०

काठमाडौं- नेपाल ट्रेड युनियन महासंघ(जिफन्ट) को सातौं राष्ट्रिय महाधिवेशन नयाँ नेतृत्व चयन गर्दै सम्पन्न भएको छ। चैत १४ देखि १७ सम्म सम्पन्न महाधिवेशनले विनोद श्रेष्ठको अध्यक्षतामा नयाँ राष्ट्रिय कमिटी चयन गरेकाे छ।

नयाँ राष्ट्रिय कमिटीको उपाध्यक्षहरुमा रमेश बडाल(विदेश मामिला), विदुर कार्की(योजना समन्वय तथा व्यवस्थापन), गुणराम आचार्य(आर्थिक प्रशासन), दीपक पौडेल(श्रम सम्बन्ध परिषद्), जितेन्द्र श्रेष्ठ(प्रचार तथा प्रकाशन), मञ्जु थापा(ट्रेड युनियन शिक्षा), कमल गौतम(सामाजिक सुरक्षा तथा श्रमिक सहकारी) तथा मिना गुरुङ(अध्यक्ष, महिला कमिटी) चयन भएका छन्।

यसैगरी महासचिवमा जनक चौधरी, उपमहासचिवद्वयमा दिनेश राई तथा पूर्णकुमारी कार्की छानिएका छन्। ५ सचिवमा त्रिविक्रम ज्ञवाली(आर्थिक), बेली मैया घले(ट्रेड युनियन शिक्षा), निशा बानियाँ(श्रम सम्वन्ध परिषद), सुनिता थापा(महिला) तथा दामोदर सापकोटा(विदेश मामिला) चयन भएका छन्।

राष्ट्रिय कमिटीको सदस्य रहनेगरी प्रदेश अध्यक्षहरुमा किशोर धमला(प्रदेश १), कमलेश झा(प्रदेश २), रामहरि नेपाल(प्रदेश ३), रुद्र बहादुर खत्री(प्रदेश ४), हरिबहादुर कार्की( प्रदेश ५), तेजप्रकाश जिसी(कर्णाली प्रदेश) तथा देवबहादुर बम(प्रदेश ७) निर्वाचित भए।

जिफन्टको संशोधित विधान अनुरुप घटक युनियनका अध्यक्षहरु स्वतः राष्ट्रिय कमिटीको पदेन सदस्य हुने व्यवस्था छ। सो अनुसार भीम ज्वाला राई(नेयास्वमसं), नरनाथ लुइँटेल(क्यूपेक नेपाल), आनन्द थामी(ह्वीन), सूर्यबहादुर कुँवर(नेस्वहोमयू), अर्जुन अधिकारी(जुगकाटेमयू), चन्द्रबहादुर थापा(नेस्वाकमयू), सुमनप्रसाद पराजुली(युनिट्राभ), महेन्द्रलाल श्रेष्ठ(इम्प्रेशन नेपाल), चेतबहादुर सापकोटा(नेष्ट) तथा जीवन अधिकारी(नाटु) चयन भएका छन्।

यसैगरी महिला कमिटीमा विजया खड्का, रञ्जु भट्टराई, अरुणा थापा, चन्द्रा थामी, राजकुमारी चौधरी, कमला तामाङ, माया भण्डारी, शारदा पौडेल, मिश्रकुमारी गुरुङ, शारदा पोडे, स्मृति लामा, तारादेवी पौडेल, सीता लामा तथा पम्फा देवकोटा पहारी निर्वाचित भएका छन्। जिफन्टको राष्ट्रिय कमिटीमा महिलाको संख्या ४१ दशमलब ६७ प्रतिशत पुगेको छ।

जिफन्टको युवा कमिटी सन्तोष पुडासैनीको अध्यक्षतामा चयन भएका छन्। यसैगरी राष्ट्रिय कमिटीको पदेन वैकल्पिक सदस्यहरुमा मचाबाबु मालाकार, नारायण अधिकारी, पूर्णचन्द्र उपाध्याय, चन्द्र सागर लामा तथा गणेश श्रेष्ठ चयन भएका छन्।

महाधिवेशनले जिफन्टको संरक्षकमा पूर्व अध्यक्ष विष्णु रिमाललाई चयन गरेको छ। यसैगरी वर्तमान वरिष्ठ उपाध्यक्ष हरिदत्त जोशी प्रतिनिधि परिषद प्रमुख चयन भएका छन्। वर्तमान महासचिव विष्णु लम्साल केन्द्रीय अनुशासन निरीक्षण आयोगको प्रमुख भएका छन्। वरिष्ठ युनियनकर्मी सञ्जालको अध्यक्षमा केशव दुवाडी चयन भएका छन्।

महाधिवेशनमा देशभरिका ४ सय १२ जना प्रतिनिधि सहभागी थिए। यसैगरी २३ मुलुकका ३१ वटा संगठनका ४८ जना विदेशी अतिथि पनि सहभागि भए। जिफन्टमा झन्डै साढे चार लाख सदस्य छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछाने अदालतमा उपस्थित, थुनछेक बहस आजै

भरियाले धानेकोे खुम्बु क्षेत्रको ढुवानी

नेपाल-भारत संयुक्त व्यापार मञ्च बैठक, द्विपक्षीय व्यापार विस्तारमा जोड, उठ्यो बिआइएसको मुद्दा