टिपरको ठक्करबाट मोटरसाइकल चालकको ज्यान गयो

ब्लग

नेपाल लाइभ शुक्रबार, चैत १६, २०७४ १३:०९

राजविराज- पूर्व–पश्चिम राजमार्गअन्तर्गत सप्तरीको खडक नगरपालिका–८ मा टिपरको ठक्करबाट मोटरसाइकल चालकको आज मृत्यु भएको छ।

मृत्यु हुनेमा मोटरसाइकल चालक सिराहा नवराजपुर गाउँपालिका–१ बस्ने ३० वर्षीय सञ्जय यादव रहेको इलाका प्रहरी कार्यालय कडरबोनाले जनाएको छ। स.१क १७९ नंको टिपरले यादव सवार स.६प २८९१ नंको मोटरसाइकललाई ठक्कर दिएको थियो।

गम्भीर घाइते यादवलाई उपचारका लागि सप्तऋषि अस्पताल लहानमा भर्ना गरे पनि उपचारकै क्रममा मृत्यु भएको जिल्ला प्रहरी कार्यालय सप्तरीले जनाएको छ। सोही मोटरसाइकलको पछाडि सवार सिराहा नवराजपुर गाउँपालिका–१ बस्ने २१ वर्षीय अमितकुमार यादवसमेत घाइते भएका छन्।

घाइते अमितलाई उपचारका लागि न्युरो अस्पताल विराटनगरमा पठाइएको छ। ठक्कर दिने टिपर र चालकलाई प्रहरीले नियन्त्रणमा लिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एकैदिन तोलामा १६ सय रूपैयाँले बढ्यो सुनको मूल्य

रवि लामिछाने अदालतमा उपस्थित, थुनछेक बहस आजै

भरियाले धानेकोे खुम्बु क्षेत्रको ढुवानी