बाढीपीडित राहत वितरणमा वडाअध्यक्षको भेदभाव, भारतीयलाई पीडित सूचीमा राखेको स्थानीयको आरोप

ब्लग

नेपाल लाइभ बिहीबार, चैत १५, २०७४ ०२:३६

विराटनगर– मोरङको जहदा गाउँपालिकाका बासिन्दाले जनप्रतिनिधिले बाढीपीडितको रकम वितरणमा भेदभाव गरेको भन्दै बुधबार विरोध जनाएका छन्।

बाढीपीडितले बुधबार विराटनगरमा पत्रकार सम्मेलन गरी वडा नं १ का वडाअध्यक्ष प्रदीपचन्द्र यादवले सरकारले बाढी पीडितलाई दिएको रकम पाउने सूचीमा भारत फारबिसगञ्जमा बस्दै आएका आफ्ना आफन्तको समेत नाम राखेको आरोप लगाए।

जहदा गाउँपालिकाका वडाअध्यक्ष यादवले वास्तविक बाढीपीडितहरुलाई राहत रकम नदिएर कमिशनका लागि आफुखुुशी रकम वितरण गरेको भन्दै स्थानीयबासीले अख्तियारमा उजुरीसमेत गरेका छन्।

गत साउनको अन्तिम साता आएको बाढीबाट क्षति भएकाको राहतका लागि नेपाल सरकारले राहत वितरण कार्यक्रम ल्याएको हो। राहत वितरण कार्यमा जनप्रतिनिधिले नै गलत कार्य गर्न थालेपछि कतिपय स्थानमा राहत वितरण अन्यौलमा परेको छ।

वास्तविक बाढी पीडितलाई राहत दिनेभन्दा राजनीतिक आस्थाका आधारमा राहत वितरणको तयारी भइरहेको स्थानीयवासीले गुनासो गरे।

स्थानीय सुुरेन राजवंशीले वडाअध्यक्षले १५ हजार रुपैयाँ राहत दिनका लागि १० हजार रुपैयाँसम्म कमिशन लिने गरेको दावी गरे। सोही ठाउँका कलानन्द ऋषिदेवले बाढीले सबै घरबार बगाउँदासमेत अहिलेसम्म कुनै राहत नपाएको गुनासो व्यक्त गरे।

एक नम्बर वडामा लिएको तथ्यांक अनुुसार बाढीबाट ३ सय ६५ घर पूर्णरुपमा क्षति र ५ सय २ घरमा आंशिक क्षति पुगेको थियो। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जाडोमा हात, गोडा, औंला किन सुन्निन्छ? कसरी जोगाउने?

सहकारी ठगी प्रकरण: न्यायाधीश अधिकारीको इजलासमा रवि लामिछानेसहित ३९ जनासँग बयान सुरू

एकैदिन तोलामा १६ सय रूपैयाँले बढ्यो सुनको मूल्य