उदयपुरमा ट्याकंर दुर्घटना हुँदा २ को मृत्यु, गम्भीर घाइते ३ जनालाई काठमाडौं ल्याइँदै

ब्लग

नेपाल लाइभ बुधबार, चैत १४, २०७४ ०२:४९

उदयपुर– उदयपुरको कटारी नगरपालिका–११ गहुँबारीमा बुधबार बिहान तेल बोकेको ट्याङ्कर दुर्घटना भएको छ।

दुर्घटनामा परि चालकसहित २ जनाको घटनास्थलमा नै मृत्यु भएको इलाका प्रहरी कार्यलयका प्रहरी निरीक्षक चन्द्रराज वंशीले जानकारी दिए। दुर्घटनामा अन्य ३ जना गम्भीर घाईते भएका छन्।

घाइतेहरुलाई उपचारका लागि काठमाडौं लैजाने तयारी भइरहेको प्रहरीले जानकारी दिएको छ।

सिद्धिचरण राजमार्गअन्र्तगतको कटारी–घुर्मी सडकखण्डको गहुँबारीमा आज बिहान २ बजेतिर ना६ख ३२३१ नम्बरको ट्याङ्कर अनियन्त्रित भई सडकबाट करिब १ सय मिटर तल खसेको थियो।

दुर्घटनामा चालक बारा अम्लेखगञ्ज ४ का २३ वर्षीय पूर्णप्रसाद खनाल र मकवानपुर नामटारका ३१ वर्षीय सरोज मोक्तानको मृत्यु भएको प्रहरी निरीक्षक राजवंशीले जानकारी दिए।

दुर्घटनामा भक्तपुरका २४ वर्षीय सुवास तामाङ्ग, बारा निजगढका १७ वर्षीय अभिषेक श्रेष्ठ र दोलखा चरिकोटका २५ वर्षीय सुजन गोले गम्भीर घाईते भएका इलाका प्रहरी कार्यालय कटारीले जनाएको छ।

घटनास्थल इलाका प्रहरी कार्यालय कटारीबाट २६ किलोमिटर उत्तरी क्षेत्रमा पर्दछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

निजामतीमा जनसंख्याको आधारमा आरक्षण हुनुपर्ने आदिवासी जनजाति र मधेसी आयोगको माग

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

जाडोमा हात, गोडा, औंला किन सुन्निन्छ? कसरी जोगाउने?