पर्सा र सप्तरीमा दुर्घटना, २ को मृत्यु

ब्लग

नेपाल लाइभ सोमबार, चैत १२, २०७४ ०३:०४

काठमाडौं -आइतबार बेलुका पर्सा र सप्तरीमा भएका सवारी दुर्घटनामा २ जनाको मृत्यु भएको छ।

पर्साको संखुवाप्रसौनी गाँउपालिका ५ मा भएको मोटरसाइकल दुर्घटना हुँदा स्थानिय २२ वर्षिय लक्ष्मीकान्त कलवारको मृत्यु भएको छ।

ना ५१ प २७७ नम्बरको मोटरसाइकलले ना १ त ८८७६ नम्बरको ट्याक्टरलाई ओभरटेक गर्ने क्रममा विपरित दिशाबाट आउँदै गरेको ना ४० प ३८२४ नम्बरको मोटरसाइकलमा ठोक्किन पुगेको थियो । ३ वटै सवारी साधनलाई नियन्त्रणमा लिएर अनुसन्धान अघि बढाइएको प्रहरीले जनाएको छ।

उता सप्तरीको सुरुङ्गा नगरपालिका ५ कुसाहामा गएराति मोटरसाइकले साइकललाई ठक्कर दिएर पल्टिदा १ जनाको मृत्यु भएको छ भने २ जना घाइते भएका छन् । मृत्यु हुनेमा मोटरसाइकल चालक सिरहा सुखीपुर(४ का ३५ वर्षिय राजिव कुमार चौधरी छन्।

उनको उपचारको क्रममा डिभाईन अस्पताल लहानमा मृत्यु भएको हो । सोही दुर्घटनामा घाइते भएका मोटरसाइकलमा पछाडी सवार सप्तरी बोदेबर्साइन नगरपालिका ८ का ३० वर्षिय भुनेश्वर चौधरी र साइकल चालक सुरुङ्गा नगरपालिका ८ का ३० वर्षिय महेश ठाकुर रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सहकारी ठगी प्रकरण: बयान सकियो, रविलाई फेरि प्रहरीको जिम्मा लगाउन अदालतको आदेश

पौने पाँच करोड भ्रष्टाचार गरेको अभियोगमा जलस्रोतका इन्जिनियरविरुद्ध विशेष अदालतमा मुद्दा दायर

जय ट्रफीको फाइनलमा पुलिस र आर्मी भिड्ने