तस्बिरः निमेषजंग राई/नेपाल लाइभ
काठमाडौं- नेपाल ट्रष्टको जग्गामा स्वर्गीय व्यवसायी आङछिरिङ शेर्पाको परिवारले जस्तै अन्य व्यवसायीले पनि रजाइँ गर्दै आएको खुलासा भएको छ।
नेपाल ट्रष्टको काठमाडौं महानगरिपालिका कमलादीस्थित ५ रोपनीभन्दा बढी क्षेत्रफल जग्गामा बनेको भवनमा समेत व्यवसायीको रजाइँ छ।
उक्त स्थानमा बनको ६ तलेभवनमा कन्सेप्ट डेभलपर्सले रजाइँ गरिरहेको हो। भवनबाट मासिक करोडभन्दा बढी भाडा संकलन हुन्छ। तर भवन सञ्चालकले भने ट्रष्टलाई त्यति तिर्दैनन्।
काठमाडौं प्लाजामा अहिले १ सयको हाराहारीमा विभिन्न कम्पनीहरुले कोठा भाडामा लिँदै व्यवसाय गर्दै आएका छन्।
एउटै व्यवसायीसँग मासिक लाखौं भाडा असुल्ने प्रालिले भने नेपाल ट्रष्टको कार्यालयलाई मात्र वार्षिक अहिले ७५ लाख रुपैयाँमात्रै भाडा तिरिरहेको छ। यो जग्गा तत्कालीन दरबारले २०५० असार ३ गते २७ वर्षका लागि जग्गा उपलब्ध गराएको थियो।
तर, राजदरबारले कति भाडा लिन्थ्यो भन्ने कुरा नखुले पनि पुनः सम्झौता पछि भने नेपाल ट्रष्टको कार्यालयले पाउँदै आएको भाडा अति नै न्यून छ। २०६६ साल पुस ९ गते नेपाल ट्रष्ट र कन्सेप्ट डेभलपर्स प्रालिबीच पुनः लिज सम्झौता भएको थियो।
तत्कालीन समयमा नेकपा नेता माधवकुमार नेपालको सरकार थियो। नेपालको मन्त्रिपरिषदमा पूर्व एमाले र कांग्रेसका नेता थिए। उक्त सरकारले नै काठमाडौं प्लाजाको भाडा पुनरावलोनकन गरेको थियो।
उक्त समयमै नै सेटिङका आधारमा ५ रोपनी जग्गामा निर्माण भएको ६तले भवनको भाडा बाँकी १० वर्षका लागि निर्धारण भएको थियो। उक्त समयमा उक्त जग्गाको भाडा २०६६ असार ३ गतेबाट २०७२ असार २ गतेसम्मको वार्षिक ६१ लाख रुपैयाँ र २०७२ असार ३ गतेबाट सम्झौता अवधि बाँकी रहने समयसम्मका लागि वार्षिक ७५ लाख रुपैयाँमात्रै तोकिएको छ।
अर्को अंकमा यो भवनको सञ्चालन र राजनीतिक कनेक्सनको विषयमा खोल्ने प्रयास गर्ने छौं।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1747220707.png)
-1747219795.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
