काठमाडौं- १९ डिसेम्बर १९१९ मा पाकिस्तानको लाहोरमा जन्मेका ओमप्रकाश विगतका चर्चित कलाकार हुन्।
उनले बाल्यकालमा कुनै किसिमको समस्या भोग्नु परेन। उनको लाहोर र जम्मूमा प्रशस्त जग्गा थियो। पैसा उनको परिवारको लागि कहिले पनि समस्या थिएन।
१९३३ मा कलाकार बन्नका लागि उनी मुम्बई गएका थिए। त्यहाँ सरोज फिल्म कम्पनीमा मासिक ३० रुपैयाँमा काम गर्न लागे। फिल्ममा सफलता नदेखेपछि उनले १९३७ सालमा अल इण्डिया रेडियोमा काम गरे। रेडियोबाट नै उनले थुप्रै लोकप्रियता हासिल गरे। बलदेव राज चोपडाले फिल्म पत्रकारको रुपमा काम गर्दा ओमप्रकाशलाई नोटिस गरेका थिए।
उनले ओमलाई अभिनयको गम्भीर रुपमा लिन आग्रह गरेका थिए त्यतिबेला।
१९५०मा रिलिज भएको 'दासी' फिल्म ओमप्रकाशको करिअरको पहिलो फिल्म हो। अहिले 'नमक हलाल' फिल्ममा ओमप्रकाशको भूमिकालाई सबैभन्दा यादगार मान्ने गरिन्छ। प्रकाश मेहराको निर्देशनमा बनेको र १९८२मा रिलिज भएको उक्त फिल्ममा ओमप्रकाशले अमिताभको दादा दशरथ सिंहको भूमिका निभाएका थिए। जसले दर्शकालई भरपुर मनोरञ्जन दिएको थियो।
दर्शक उनको कमेडीका साथै खलनायक भूमिकाको पनि निकै रुचाउँथे।
उनी मेहराको प्रोडक्सन र निर्देशनमा बनेको फिल्म 'लावारिस'मा उनी फेरि महानायक अमिताभको अपोजिटमा देखा परे। र फिल्म सुपरहिट साबित भयो।
यस फिल्ममा ओम प्रकाशले डा गोयलको भूमिका निभाएका थिए। यसबाहेक ब्रिज, रोटी, पिया लगायतका धेरै फिल्ममा उनले महत्वपूर्ण भूमिका निभाएका थिए। उनै ओम २१ फेब्रेवरी १९९८ मा ७८ वर्षको उमेरमा दुनियाँबाट विदा भए। त्यो
क्षण बलिउड फिल्म उद्योगमा ठूलै क्षति भएको महशुस भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
