मलंगवा– सर्लाहीका २० स्थानीय तहमध्ये शुक्रबार साँझसम्म १० तहको अन्तिम नतिजा आएको छ।
घोषित मतपरिणाम अनुसार चार स्थान जित्दै कांग्रेस सबैभन्दा अगाडि छ भने उसलाई पछ्याइरहेको राजपाले तीन स्थानमा जितेको छ । कांग्रेसले दुई नगरपालिका र दुई गाउँपालिका जित्दा राजपाले एक नगर र दुई गाउँपालिकामा कब्जा जमाएको छ।
माओवादी केन्द्र, संघीय समाजवादी फोरम र लोकतान्त्रिक फोरम एक/एक स्थानमा जित हासिल गरेका छन्।
परिणाम आउन बाँकी रहेका १० स्थानीय तहमा भने एमालेले बढी सम्भावना देखाएको छ । गणना जारी रहेकामध्ये चार नगरपालिकामा एमालेले अग्रता लिइरहेको छ । यस्तै, माओवादी र राजपा दुई/दुई स्थानमा अगाडि छन् भने कांग्रेस र संघीय समाजवादी एक/एक स्थानमा अगाडि छन्।
अन्तिम परिणाम आएका १० तहमा कहाँ कसको जितः
कांग्रेस
हरिपूर्वा नगरपालिका (मेयर सियाराम राय/उपमेयर चन्द्रकलादेवी सुंडी)
रामनगर गाउँपालिका प्रमुख कृष्णप्रसाद बर्मा/उपप्रमुख नितुदेवी यादव
धनकौल गाउँपालिका (प्रमुख रामआश्रय साह/उपप्रमुख अकली सहनी)
बसबरिया गाउँपालिका (प्रमुख रामअयोध्या यादव/उपप्रमुख राजपाकी रिनाकुमारी यादव)
राजपा
बलरा नगरपालिका (मेयर अभयकुमार सिंह/रामसखी देवी)
कौडेना गाउँपालिका (प्रमुख रामप्रसाद राय यादव/उपप्रमुख सुनीता देवी)
ब्रह्मपुरी गाउँपालिका (प्रमुख विनोदकुमार साह/उपप्रमुख गितादेवी राय)
माओवादी केन्द्र
वागमती नगरपालिका (भरतकुमार थापा/लीलाकुमारी मोक्तान)
संघीय समाजवादी फोरम
पर्सा गाउँपालिका (प्रमुख किसुनदेव राय/उपप्रमुख इन्द्रकलादेवी साह)
लोकतान्त्रिक फोरम
विष्णु गाउँपालिका (प्रमुख जवाहरलाल यादव/उपप्रमुख उषादेवी)
मतगणना जारी रहेका १० तहमा अग्रताको अवस्थाः
एमाले
हरिवन नगरपालिका
लालबन्दी नगरपालिका
ईश्वरपुर नगरपालिका
हरिपुर नगरपालिका
माओवादी केन्द्र
बरहथवा नगरपालिका
कविलासी नगरपालिका
राजपा
गोडैता नगरपालिका
चन्द्रनगर गाउँपालिका
कांग्रेस
मलंगवा नगरपालिका
संघीय समाजवादी फोरम
कविलासी नगरपालिका
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
