काठमाडौं– एक सवारी अंगभंग मुद्दाको कागजात पठाउन महानगरीय प्रहरी वृत सिंहदरबारले आनाकानी गरेको छ।
सिर्जन चन्दले श्रीजन स्थापितविरुद्ध दिएको सवारी अंगभंगको कागजात पठाउन सिंहदरबार वृतले आनाकानी गरेको जिल्ला अदालत काठमाडौंले जनाएको छ।
वृत सिंहदरबारलाई गत भदौ र असोजमा उक्त घटनाको कागजात पठाउन भन्दा पनि अटेर गरेको अदालतले जनाएको छ।
त्यसपछि गतअसोज ३० गते कागजात पठाउन भन्दै आदेश गरिए पनि बेवास्ता भएको थियो। अहिले फेरि जिल्ला अदालत काठमाडौं उक्त कागजात पठाउन आदेश जारी गरेको छ।
उक्त कागजात नपठाए वृत प्रमुख डिएसपीलाई ५ हजार रुपैयाँ जरिवाना गर्न न्यायाधीश श्रीकृष्ण भट्टराईको इजलासले आदेश जारी गरेको छ। उक्त रकम मासिक तलवबाट कट्टा गरी सरकारको राजश्वमा जम्मा गर्न आदेश जारी गरेको हो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।