काठमाडौं- तीन बालिकालाई बलात्कर गरेको आरोपमा अमेरिकी नागरिक जेसन लोल्डी मुड्डीलाई प्रहरीको केन्द्रीय अनुसन्धान ब्यूरो सिआइबीले पक्राउ गरेको छ।
उनलाई सिआइबीले गत शुक्रबार पक्राउ गरेको हो। पक्राउ परेका मुड्डीलाई जबरजस्ती करण अन्तर्गतको कसुरमा म्याद थप गरेर अनुसन्धान सुरु गरिएको सिआइबीका एसपी बेलबहादुर पाण्डेले बताएका छन्।
उनलाई एयरपोर्टस्थित मेमोरियल गेष्ट हाउसको कोठा नम्बर १०४ बाट पक्राउ गरिएको हो। जस क्रममा अर्धनग्न अवस्थामा तीन जना बलिकाको समेत उद्धार गरिएको सिआइबीका एसपी पाण्डेले बताए।
पक्राउ परेका ४० वर्षीय अमेरिकी नागरिक मुड्डी गत अक्टोबरमा नेपाल आएका हुन्। उनी नेपाली भाषा सिक्ने भन्दै विश्वभाषा क्याम्पसमा नेपाली समेत अध्ययन गर्ने गरेको अनुसन्धानबाट खुलेको छ।
उद्धार गरिएका तीनजना बालिका भने अति गरीब परिवारका छन्। उनीहरुलाई आर्थिक सहयोग गर्ने प्रलोभन देखाएर उनले यौन शोषण गर्दै आएका थिए।
राहदानी नम्बर ५६७४७२५३५ भएका मुड्डीको साथबाट प्रहरीले अन्य दुई थान अमेरिकी राहदानी समेत बरामद गरेको छ। ल्यापटप ३ थान, मोबाइल ४ थान, एटिएम कार्ड, चेकका स्लिप, मास्टरकार्डहरु, र विश्वभाषा क्याम्पसको आइडी कार्ड समेत बरामद भएको छ।
उनी यौन दुराचारी समेत भएको पाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
