इटहरी- इटहरीको जनता बहुमुखी क्याम्पसका विधार्थी संगठनहरुले क्याम्पस प्रमुखसहित ४ जनालाई क्याम्पस हाताभित्र प्रवेशमा राेक लगाएका छन्। आइतबार क्याम्पस प्रशासनले पैसाको लोभमा क्याम्पस हाताभित्र विद्यार्थीको पठनपाठनलाई प्रभावित हुने गरी इसाइ धर्मको कार्यक्रम गर्न दिएको भन्दै उनीहरुले अनिश्चितकालका लागि प्रवेश निषेध गरेका हुन्छ।
क्याम्पस प्रमुख भोजराज श्रेष्ठ र व्यवस्थापन समिति अध्यक्ष रेवातीरवण भण्डारीसहित सहायक क्याम्पस प्रमुखहरू गीता अधिकारी, युवराज सिटौला र टोलनाथ काफ्लेलाई अनिश्चितकालको लागी क्याम्पस प्रवेशमा रोक लगाएकाे विद्यार्थी संगठनले जनाएका छन्। क्याम्पसको मैदानमा इसाइ संघ प्रदेश १ को शुभकामना आदानप्रदान कार्यक्रम सञ्चालन हुँदा विद्यार्थीहरुको पठन-पाठनमा समस्या देखिएको विद्यार्थी नेताहरुले बताएका छन्।
कार्यक्रमले विद्यार्थीको पठन-पाठनमा अवरोध गरेको भन्दै विद्यार्थीहरुले विरोध जनाएका थिए। विद्यार्थी सङ्गठनहरूले विज्ञप्ति जारी गर्दै विद्यार्थीको हकहित बाहिर गएर हुने कुनै पनि गतिविधिले नराम्रो असरपार्ने भन्दै विरोध जनाएका हुन्।
विद्यार्थी सङ्गठनहरूको छलफलविना गरिएका निर्णयबाट उत्पन्न परिस्थितिको क्याम्पसले नै जिम्मेवारी लिनु पर्ने चेतावनी विद्यार्थीहरुले दिएका छन्। आइतबार कार्यक्रम भइरहेको अवस्थामै विरोध जनाएका उनीहरुलाई प्रहरीले पक्राउ गरी ५ घण्टा नियन्त्रणमा लिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770630850.jpg)
-1764146706.png)
-1770562345.jpg)
