राष्ट्रिय सूचना आयाेगका प्रमुख आयुक्त र आयुक्तकाे नाम सिफारिस

नेपाल लाइभ | २०७६ मङ्सिर २२ आइतबार | Sunday, December 08, 2019 १९:३७:०० मा प्रकाशित

काठमाडौं- राष्ट्रिय सूचना आयोगको प्रमुख आयुक्त र आयुक्तहरुको नाम सिफारिस गरिएको छ।

आइतबार उपसभामुख शिवमाया तुम्बाहाम्फेकाे अध्यक्षतामा बसेको सिफारिस समितिको बैठकले प्रमुख सूचना आयुक्तका लागि पूर्व सञ्चार सचिव महेन्द्रमान गुरुङलाई सिफारिस गरेकाे छ।

आयुक्तका लागि अधिवक्ता कमला वली र दीपक मैनालीको नाम सिफारिस गरिएको बुझिएको छ।

आयुक्त वली पूर्व एमाले काेटाबाट नियुक्त भएकी हुन्। वली नेकपा सुदूरपश्चिम अध्यक्ष कर्ण थापाकी श्रीमती हुन्।

मैनाली तत्कालीन माओवादी केन्द्र निकट प्रेस सेन्टरका उपाध्यक्ष हुन्।

उनीहरुको नाम आगामी मन्त्री परिषद् बैठकले अनुमाेदन गर्नेछ।

सभामुखको हैसियतमा उपसभामुखले गरिन् सूचना आयोगका पदाधिकारी सिफारिस