पोखरा- १३औं दक्षिण एसियाली खेलकुद (साग) प्रतियोगिता को ह्याण्डबलमा नेपाल पहिलो पटक फाइनलमा प्रवेश गरेको छ।
शनिबार भएको महिलातर्फको सेमिफाइनलमा पाकिस्तानमाथि कठिन जित निकाल्दै नेपाल फाइनल प्रवेश गरेको हो। पाकिस्तान विरुद्धको खेलमा २२–२१ अन्तरको गोलले नेपाली महिला टिम विजयी भयो।
नेपालका लागि उमा राईले सर्वाधिक ११ गोलको योगदान दिइन्। नेपालले स्वर्ण पदकका लागि आइतबार भारतसँग फाइनल खेल्ने छ।
यता, शनिबार नै भएको महिला ह्याण्डबलको पहिलो सेमिफाइनल खेलमा भारतले बंगलादेशलाई ४१–१३ गोल अन्तरले जित हासिल गर्दै फाइनल पुगेको छ।
साग खेलकुद अन्तर्गत पुरुष याण्डबलको फाइनलमा भारत र पाकिस्तान भिड्ने भएका छन्। भारतले श्रीलंकालाई र पाकिस्तानले बंगलादेशलाई हराउदै फाइनल भिडन्त पक्का गरेका हुन्।
शनिबार भएको पहिलो सेमिफाइनलमा भारतले श्रीलंकालाई ३९–३२ गोलले हराउदै फाइनल पुग्यो। भारतका लागि सर्वाधिक दिपक र नविन सिंहले सर्वाधिक समान ७ गोल गरे।
त्यस्तै, दोस्रो सेमिफाइनल खेलमा पाकिस्तानले बंगलादेशमाथि २७–१७ ले गोल गर्दै फाइनल पुगेको हो । मोहम्मद उजिर आतिफले सर्वाधिक ७ गोल गरे।
आइततबार भारत र पाकिस्तान स्वर्णका लागि फाइनल खेल्नेछ। त्यस्तै, कास्य पदकका लागि श्रीलंका र बंगलादेश खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
