कुसुम खड्काले जितिन् स्वर्ण

नेपाल लाइभ | २०७६ मङ्सिर १६ सोमबार | Monday, December 02, 2019 १६:२२:०० मा प्रकाशित

काठमाडौं- १३औं दक्षिण एसियाली खेलकुद (साग) प्रतियोगितामा करातेको महिला ४५ केजी तौल समूहमा भएको प्रतिस्पर्धामा नेपालकी कुसुम खड्काले स्वर्ण पदक जितेकी छिन्।

योसँगै नेपालले करातेमा ६ स्वर्ण जितेको छ भने २ रजत पदक जित्न सफल भएको छ।

फाइनलमा बंगलादेशकी मोन्जिरा बोर्नालाई ३–२ अंकले पराजित गर्दै स्वर्ण जितेकी हुन्।

यसअघि कुसुमले श्रीलंकाकी आराचिगेलाई ७–६ अंकले पराजित गर्दै फाइनल पुगेकी थिइन्।