काठमाडौं- आइतबारबाट सुरु भएको १३औं दक्षिण एसियाली खेलकुद (साग) अन्तर्गत पोखरामा हुने खेलको सुरक्षामा कुनै कमी हुन नदिने गण्डकी प्रदेश प्रहरी प्रमुख प्रहरी नायब महानिरीक्षक बिनोद शर्मा घिमिरेले जानकारी दिएका छन्।
साग सुरक्षा उप-समितिका संयोजक समेत रहेका डिआइजी घिमिरेले पोखरास्थित रंगशालाको स्थलगत अवलोकन गर्दै सुरक्षा प्रबन्धका लागि खटिएका प्रहरी कर्मचारीहरुलाई निर्देशन दिँदै सुरक्षामा कुनै कमी हुन नदिने बताएका हुन्।
खेलकुद अवधिभर कुनैपनि अप्रिय घटना हुन नपाउने गरी चुष्त दुरुष्त रुपमा सुरक्षा व्यवस्था मिलाउन उनले निर्देशन दिए। साथै यो एक खेलकुद प्रतियोगिता मात्र नभएर राष्ट्रको प्रतिष्ठाको विषय समेत भएकाले राष्ट्रिय तथा अन्तराष्ट्रिय खेलाडीहरुको सहभागितालाई संवेदनशील रुपमा लिई उच्च सतर्कताका साथ कार्यसम्पादन गर्न गराउन उनले खटिएका प्रहरी कर्मचारीहरुलाई निर्देशन समेत दिए।
सोही अवसरमा १३औं दक्षिण एसियाली खेलकुद (साग) सुरक्षा उप समितिका सह-संयोजक प्रहरी वरिष्ठ उपरीक्षक दिवेश लोहनीले खेल अवधिभर खेलकुद मैदान, खेलाडी, खेलाडीहरुको बासस्थान लगायत ट्राफिक व्यवस्थापनको सुरक्षा योजनाबारे डिआइजी घिमिरेलाई जानकारी गराए।
प्रतियोगितालाई त्रुटीरहित ढङगले सम्पन्न गर्न हरसम्भव प्रयास गरिरहेको नेपाल प्रहरीले उक्त रंगशाला भित्र नेपाल प्रहरी कमाण्ड पोष्ट खडा गरी सुरक्षा दिने भएको छ। विभिन्न खेल र खेलाडीहरुको लागि प्रहरी सुरक्षा व्यवस्था मिलाएको पनि प्रहरीले जनाएको छ।
खेलकुद स्थलको सुरक्षा चुनौतीलाई मध्यनजर गर्दै खैल मैदान र वरपर नेपाल प्रहरीका तालिम प्राप्त कुकुरहरुबाट स्नाइफिङ साथै अन्य सुरक्षामैत्री प्रविधिको प्रयोगबाट सुरक्षा व्यवस्थालाई थप कडा बनाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751614903.jpg)
-1751533150.jpg)
-1751526495.png)
-1749826086.png)
