काठमाडौं– धनुषाका स्थानीय तहमध्ये नेपाली कांग्रेस सबैभन्दा अगाडि देखिएको छ । जिल्लाका १८ वटा स्थानीय तहमा नतिजा सार्वजनिक भएका ६ वटामध्ये कांग्रेसले तीन वटामा विजय हासिल गरेको छ । यस्तै, पाँच वटा नगरपालिकामा अग्रता लिइरहेको छ ।
कांग्रेसले जितेका स्थानीय तहमा धनौजी नगरपालिका, औरही गाउँपालिका र जनकनन्दिनी गाउँपालिका रहेका छन्।
नेकपा एमालेले दुई स्थानीय तह जितेको छ भने दुई वटा नगरपालिकामा अग्रता लिइरहेको छ । एमालेले बटेश्वर नगरपालिका र मुखियापट्टि मुसहरमिया गाउँपालिकामा जित हात पार्दै मिथिला र मिथिला बिहारी नगरपालिकामा बलियो सम्भावना देखाइरहेको छ।
यस्तै, एउटा स्थानीय तह हंशपुर नगरपालिका जितिसकेको राजपाले जनकपुर उपमहानगरपालिकामा अन्य दलभन्दा ठूलो अन्तरले अग्रता लिइरहेको छ । राजपाका मेयर उम्मेदवार लालकिशोर साह र उपमेयर प्रत्यासी रिता झा करिब ३५ सय मतले अगाडि छन्।
जारी मतगणनामा संघीय समाजवादी फोरम तीन स्थानमा र माओवादी केन्द्र एक स्थानमा अगाडि छन्।
६ स्थानको घोषित नतिजामा कहाँ कसको जित ?
कांग्रेस
धनौजी नगरपालिका (मेयर बद्रीनारायण सिंह र उपमेयर रामवती मण्डल)
औरही गाउँपालिका (प्रमुख ब्रह्मदेव यादव र उपप्रमुख मीरादेवी सहनी)
जनकनन्दिनी गाउँपालिका (प्रमुख अब्दुल बारिख शेख र उपप्रमुख भारती कार्की)
एमाले
बटेश्वर नगरपालिका (मेयर डम्बरबहादुर राउत र उपमेयर प्रमिला देवी)
मुखियापट्टि मुसहरमिया गाउँपालिका (प्रमुख मनोजकुमार यादव र उपप्रमुख मीरादेवी महतो)
राजपा
हंशपुर नगरपालिका (मेयर रामशरण मण्डल र उपमेयर रेणुदेवी झा)
गणना भइरहेका १२ स्थानीय तहमध्ये कहाँ कसको अग्रता ?
कांग्रेस
कमला नगरपालिका
क्षिरेश्वर नगरपालिका
धनुषाधाम नगरपालिका
नगराइन नगरपालिका
विदेह नगरपालिका
एमाले
मिथिला नगरपालिका
मिथिला बिहारी नगरपालिका
संघीय समाजवादी फोरम
गणेशमान चारनाथ नगरपालिका
शहीदनगर नगरपालिका
लक्ष्मीनया गाउँपालिका
राजपा
जनकपुर उपमहानगरपालिका
माओवादी केन्द्र
सबैला नगरपालिका
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
