काठमाडौं– युरो कप फुटबलमा साविक विजेता पोर्चुगल, जर्मनी र फ्रान्स एउटै समूहमा परेका छन्। युरोपियन फुटबलको सर्वोच्च निकाय युएईएफएले शनिबार राति सार्वजनिक गरेको ‘ड्र’मा जर्मनी, फ्रान्स र पोर्चुगल समूह ‘एफ’ मा परेका हुन्।
त्यस्तै यो समूहमा एक टिम भने प्ले अफ खेलेर आउने छ। ग्रप अफ डेथको रुपमा मानिएको यो समूहबाट राम्रो टिम समूह चरणबाटै बाहिरिने भएको हो।
समूह ‘ए’मा वेल्स, इटाली, स्वीट्जरल्यान्ड र टर्की छन्। समूह ‘बी’मा भने बेल्जियमसँगै रुस, फिनल्यान्ड र डेनमार्क छन्। समूह ‘सी’मा नेदरल्यान्ड्स, युक्रेन, अष्ट्रिया छन् भने एक टिम प्ले अफ खेलेर आउने छ।
त्यस्तै, समूह ‘डी’मा इंग्ल्यान्डसँगै क्रोएसिया, चेक रिपब्लिक र एक टिम प्ले अफ छनोटबाट आउने टिम हुने छन्। समूह ‘ई’ मा स्पेन, स्वीडेन, पोल्यान्ड रहेका छन् भने एक टिम प्ले अफबाट आउने छ। सन् २०२० को जुन १२ देखि जुलाई १२ सम्म हुने युरोकप १२ देशमा हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
