काठमाडौं– १३औं दक्षिण एसियाली खेलकुद (साग) प्रतियोगिताको भव्य उद्घाटन आज हुँदैछ। त्रिपुरेश्वरस्थित दशरथ रंगशालामा १३औं सागको उद्घाटन बेलुका ५ बजे सुरु हुनेछ।
उद्घाटनमा नेपाली मौलिकता झल्किने विभिन्न साँस्कृतिक झाँकीसहितकाे प्रदर्शनी हुनेछ। नेपाल पुलिस, एपीएफ र नेपाली सेना लगायत गरी उद्घाटनमा १५ हजार जनाले आफ्नो प्रस्तुति दिनेछन्। राष्ट्रपति विद्यादेवि भण्डारीको प्रमुख आतिथ्यतामा सुरु हुने उद्घाटन कार्यक्रम करिब ३ घण्टाको हुनेछ।
राष्ट्रपतिको आगमनसँगै सुरु हुने मार्चपासमा नेपालको झण्डा भारोत्तोलनका कमलबहादुर अधिकारीले बोक्ने छन्। कमल भारोत्तोलनमा स्वर्ण पदक जित्ने एक मात्र खेलाडी हुन्। त्यस्तै, त्यस्तै, तेक्वान्दोका प्रशिक्षक तथा ओलम्पियन खेलाडी दीपक विष्टले ओलम्पिक फ्लेम बाल्ने छन्।
नेपालका चर्चित गायकगायिका सत्यराज आचार्य, कुन्ती मोक्तान, इन्दिरा जोशीलगायतले सामूहिक प्रस्तुती दिनेछन्। यसअघि नै भलिबल खेल सुरु भए पनि औपचारिक उद्घाटन भने आज हुन लागेको हो। १३औं सागमा ७ देशले २६ खेलका विभिन्न विधामा प्रतिस्पर्धा गर्दैछन्।
यो पटक भने नेपालले ५० स्वर्ण जित्ने लक्ष्य बनाएको छ। महिला भलिबलमा भने ऐतिहासिक उपलब्धि हात पार्दै नेपाल फाइनलमा पुगि सकेको छ। अब उपाधिका लागि नेपालले भारतसँग खेल्नेछ। नेपालले धेरैभन्दा धेरै स्वर्णको आश गरेको खेलमध्ये कराते र तेक्वान्दो हो।
सागको १३औं संस्करणसम्म आइपुग्दा नेपालले ७१ स्वर्णमात्रै जितेको छ। तेस्रो पटक साग आयोजना गर्दै गरेको नेपालले सन् १९९९ मा आयोजना गर्दा ३१ स्वर्ण जितेको थियो। यो रेकर्डलाई तोड्न पनि नेपालको लागि चुनौती छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786184812.png)
