वीरगञ्ज- प्रदेश नम्बर २ का तीन उपमहानगरपालिकामा तीन फरक पार्टीले अग्रता लिएका छन्। जनकपुर उपमहानगरपलिकामा राष्ट्रिय जनता पार्टीले मेयरमा ४६ सय ७९ र उपमेयरमा २ हजार सात मत प्राप्त गरी अग्रता लिएको छ। राजपाले दोब्बरभन्दा बढी मतले अग्रता लिएको हो। कांग्रेसले मेयरमा १८ सय ५६ मत प्राप्त गरेको छ भने उपमेयरमा १२ सय २७ मत ल्याएको छ। एमालेले मेयरमा १ सय ४० मत प्राप्त गरेको छ भने उपमेयरमा २९ मत ल्याएको छ। संघीय समाजवादी फोरमले मेयरमा १० र उपमेयरमा २० मत प्राप्त गरेको छ। माओवादी केन्द्रले हालसम्मको गणनामा मेयरमा १० मत भन्दा बढी प्राप्त गर्न सकेको छैन।
जlतपुर सिमरा उपमहानगरपालिकामा नेकपा एमालेले अग्रता कायम राखेको छ। एमालेले मेयरमा ५ हजार ६ सय ९७ मत प्राप्त गरेको छ भने उपमेयरमा २९ सय ९३ मत ल्याएको छ। एमालेलाई माओवादी केन्द्रले पछ्याइरहेको छ। माओवादी केन्द्रका मेयरले ४७ सय ६ मत प्राप्त गरेका छन् भने उपमेयरले २३ सय १३ मत ल्याएका छन्। नेपाली कांग्रेस तेस्रो स्थानमा छ। हालसम्मको गणनामा उसले मेयरमा ३६ सय ३५ र उपमेयरमा २५ सय ३५ मत ल्याएको छ।
कलैयामा उपमहानगरपालिकामा पनि एमालेको अग्रता छ। एमालेले मेयरमा १७ सय ११ मत ल्याएको छ भने उपमेयरमा १५ सय ६५ प्राप्त गरेको छ। एमालेलाई संघीय समाजवादी फोरमले पछ्याइरहेको छ। फोरमले मेयरमा १५ सय ९७ र उपमेयमरा १३ सय ११ मत ल्याएको छ। तेस्रो स्थानमा नेपाली कांग्रेस छ। कांग्रेसले ११ सय ४५ मेयर पदमा र उपमेयरमा ९ सय ९२ मत प्राप्त गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
