नेकपाको प्रवासी समन्वय कमिटी गठन, बिन्दा पाण्डेय बनिन् इन्चार्ज

राजनीति

नेपाल लाइभ आइतबार, मंसिर १, २०७६ १९:०५

काठमाडौं- सत्तारुढ दल नेपाल कम्युनिस्ट पार्टी (नेकपा)ले प्रवास समन्वय कमिटी गठन गर्ने भएको छ।

आइतबार साँझ प्रधानमन्त्री निवास बालुवाटारमा बसेको नेकपाको सचिवालय बैठकले समन्वय कमिटी गठन गर्ने निर्णय गरेको हो।

बैठकले कमिटीमा रहने सदस्यको जिम्मेवारी समेत तोकेको छ। कमिटीको इन्चार्जमा बिन्दा पाण्डेय, सह इन्चार्ज लक्ष्मण पन्त, अध्यक्ष युवराज चौलागाईलाई जिम्मेवारी दिइएको छ भने श्रीप्रसाद साहले सचिवको जिम्मेवारी पाएका छन्।

बैठकबाट बाहिरिने क्रममा नेकपा प्रवक्ता नारायणकाजी श्रेष्ठले कमिटीमा रहेन सदस्यको जिम्मेवारी बारे जानकारी गराएका हुन्।

बैठकमा पार्टीको कार्यकारी अध्यक्ष प्रचण्डलाई दिने कार्यवाहक प्रधानमन्त्री ईश्वर पोखरेलाई दिन लागिएको अनुमान गरिएको थियो। तर प्रवक्ता श्रेष्ठले यो विषय बैठकमा प्रवेश नै नभएको बताएका छन्।

संचारकर्मीले राखेको जिज्ञासमा प्रवक्ता श्रेष्ठले भने, 'कार्यकारी अध्यक्ष प्रचण्डलाई दिने र कार्यवाहक प्रधानमन्त्री ईश्वर पोखरेललाई दिने विषयमा कुनै छलफल भएन। यो विषयमा बैठक प्रवेश नै गरेन।'

(फाइल तस्बिर)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन