फाइल तस्बिर
काठमाडौं- नेकपा एमालेका अध्यक्ष केपी शर्मा ओली प्रधानमन्त्री भएपछि एमाले र माओवादी केन्द्रको एकता संयोजन समिति बैठक आइतबार बस्ने भएको छ।
एमाले संसदीय दलको कार्यालय सिंहदवारमा बस्न लागेको बैठकको समय भने तय भएको छैन।
शनिबार प्रधानमन्त्री ओली र माओवादी केन्द्रका अध्यक्ष पुष्पकमल दाहाल प्रचण्डले ‘वान टु वान’ वार्ता गरेका थिए। वार्तापछि आइतबार संयोजन समिति बैठक बस्ने समझदारी जुटेको थियो। सोही सझदारी अनुसार प्याकेजमा सहमती गर्नका लागि बैठक बस्न लागेको बताइएको छ।
माओवादी केन्द्रका अध्यक्ष दाहालले आइतबार बिहान पार्टीको संसदीय दलको बैठकमा अब दुई दलबीच प्याकेजमा समहति हुने विषय अन्तिम चरणमा पुगेको बिफ्रिङ गरेका थिए। महाधिवेशनसम्म जानेगरी संगठन, राष्ट्रपति, सभामुख लगायत सरकारमा सहभागिताको विषय र सैद्धान्तिक विषयमा एकमुष्ट सहमति जुटाइने उनले दलको बैकठमा जानकारी गराएका थिए। माओवादीले ओली सरकारलाई समर्थन गरे पनि हालसम्म मन्त्री पठाएको छैन।
ओली प्रधानमन्त्री चयन हनुअघि भएको एकता संयोजन समिति बैठक सहमति जुटाउन असफल भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
