ललितपुर- सांगीतिक क्षेत्रमा क्रियाशील कृपा फाउन्डेशनले विभिन्न कलाकर्मी तथा सगरमाथा आरोहणको तयारी गरिरहेको महिला समूहलाई आर्थिक सहयोग गरेको छ।
प्रथम वार्षिकोत्सवका अवसरमा शुक्रबार आयोजित कार्यक्रममा सांगीतिक क्षेत्रमा उल्लेखनीय योगदान पुर्याएका तीन अग्रज स्रष्टा सम्मानित भएका छन्।
सगरमाथा आरोहण गर्ने तयारीमा जुटिरहेको 'प्रथम महिला पत्रकार सगरमाथा आरोहण २०१८' लाई फाउन्डेसनले नगद रु ५ लाख हस्तान्तरण गरेको छ भने अमेरिकामा मिर्गौलाको उपचार गराइरहेका गायक ओमविक्रम विष्टलाई कृपा रत्न सम्मान अवार्डबाट सम्मान गरी नगद रु ५१ हजार प्रदान गरियो। कार्यक्रमका विशेष अतिथि कवि तथा गीतकार रत्न शम्शेर थापा र गायक योगेश्वर वैद्यलाई विशेष सम्मान गरिएको थियो।
कृपा फाउन्डेशनका अध्यक्ष शिव लामिछानेको ‘जय नेपाल’ बोलको गीत पनि सोही अवसरमा सार्वजनिक गरियो। कार्यक्रममा कृपा अन्प्लग्डका कलाकारहरुले सांगीतिक प्रस्तुति दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
