केपटाउन- आफ्नै पार्टीबाट चौतर्फी आन्तरिक दवाव आएपछि अन्ततः दक्षिण अफ्रिकी राष्ट्रपति ज्याकोव जुमाले राजिनामा दिएका छन्। बुधबार राष्ट्रिय टेलिभिजनबाट राष्ट्रका नाममा सम्बोधन गर्दै उनले राजिनामा दिएका हुन्।
देशभित्र तत्कालै पर्नसक्ने असरलाई मध्यनजर गर्दै आफुले राजिनामा गरेको जुमाले बताए। सम्बोधनका क्रममा उनले आफ्नो पार्टी एएनसीले गरेको निर्णयमा भने सहमत नभएको प्रष्ट पारेका थिए।
एएनसीले उनलाई राजिनामा दिन वा संसदमा विश्वासको मत पुर्याउन भनेको थियो।
राजिनामा गरेसँगै ७५ वर्षीय जुमाले पार्टी उपाध्यक्ष सिरिल रामाफोसालाई अब एएनसीको अध्यक्ष बन्नका लागि बाटो छोडीदिनुपर्ने छ।
सन् २००९ देखि सत्तामा रहेका जुमा भ्रष्टाचारका विभिन्न मुद्दामा मुछिएका छन्। जोहन्सवर्गमा गत साता मात्रै भ्रष्टाचारमा नै संलग्न रहेको आरोपमा प्रहरीले उनका छिमेकी भारतीय गुप्ता परिवारका एक साथीलाई पक्राउ गरेको थियो।
यसअघि मंगलबार एएनसीको राष्ट्रिय कार्यसमिति बैठकले जुम्बालाई राजिनामा गर्न दोस्रो पटक बुधबारसम्मको समयसीमा दिएको थियो।
जुमाको राजिनामासँगै संसदमा भोटिङ नहुँदासम्म उपराष्ट्रपति रामाफोसा नै दक्षिण अफ्रिकाको कार्यकारी राष्ट्रपतिको जिम्मेवारीमा रहनेछन्। आगामि ३० दिनभित्रमा बहुमत प्राप्त व्यक्ति नै राष्ट्रपति बन्नेछन्। जसका लागि एएनसीले रामापोसालाई उम्मेदवारको रुपमा उठाउने निश्चित देखिएको छ।
दक्षिण अफ्रिकामा आगामि वर्ष आम चुनाब हुँदैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
