चितवन– नेपाल यातायात व्यवसायी राष्ट्रिय महासंघको अध्यक्षमा योगेन्द्रनाथ कर्माचार्य निर्वाचित भएका छन। रत्ननगरमा सम्पन्न महासंघको पाँचौं राष्ट्रिय महाधिवेशनले कर्माचार्यको नेतृत्वमा नयाँ कार्यसमिति चयन गरेको हो।
प्रतिस्पर्धी डोलनाथ खनाललाई २७९ मत अन्तरले पछि पार्दै कर्माचार्य अध्यक्षमा निर्वाचित भएका हुन्।
कुल खसेको १ हजार ७ सय ८४ मत मध्य कर्माचार्यले ९ सय ८७ र खनालले ७ सय ८ मत प्राप्त गरे। अध्यक्षतामा निर्वाचित कर्माचार्य महासंघका पूर्व अध्यक्ष तथा प्रमुख सल्लाहाकार हुन। वरिष्ठ उपाध्यक्षमा विजय बहादुर स्वाँर(१०५६),हरि शरण केसी(९७३),दीपक अधिकारी(८३७) मतका साथ विजयी भएका छन्।
महासंघको उपाध्यक्षमा पुष्पा श्रेष्ठ(९६८),सानुकाजी प्रजापति(७९७),जीत बहादुर भारती(७४०),रामप्रसाद सुवेदी(७३१),एनकुमार राई(७२५),कृष्णप्रसाद सुवेदी (६४५) र प्रभु प्रसाद कलवार(६३५) मतका साथ विजयी भएका छन्। महासंघको मालबहाक तर्फको उपाध्यक्षमा यादबलाल श्रेष्ठ विजयी भएका छन्। उनले आफ्ना प्रतिस्पर्धी गोकर्ण कार्कीले चार पत अन्तरले पछि पारेका थिए । श्रेष्ठले १२१ र कार्कीले ११७ मत प्राप्त गरेका थिए।
महासंघको महासचिवमा पुण्यप्रसाद सिटौला निर्वाचित भएका छन । प्रतिस्पर्धी भरत नेपाललाई ५ सय ५९ मत अन्तरले पछि पार्र्दै सिटौला दोश्रो पटक महासंघको महासचिवमा विजयी भएका हुन। सिटौलाले १ हजार ४२ र नेपालले ४ सय ८३ मत प्राप्त गरे। उपमहासचिवमा बसन्त भण्डारी(८४३),डेकनाथ गौतम(८४०) र रवि रिमाल(७६६) मत प्राप्त गरी विजयी भएका छन्।
सचिवमा नन्दलाल श्रेष्ठ(६९८),शम्भू प्रसाद रिजाल(६२९) र शेखरनाथ सिटौला(६१६) मतका साथ विजयी भएका छन्। तीन जना सचिव पदका लागि ८ जनाको उम्मेदवारी परेको थियो।
महासंघको कोषाध्यक्षमा किरणकुमार खड्का विजयी भएका छन्। खड्काले ८सय ५ र शेरचनले ६ सय ३१ मत प्राप्त गरेका थिए । सहकोषाध्यक्षमा ७३६ मत प्राप्त गरी डम्वरराज पन्त विजयी भएका छन्। महाधिवेशनले प्रदेश नं.१ को संयोजकमा सरोज श्रेष्ठ,प्रदेश नं.२ को संयोजकमा जगरनाथ प्रसाद कलवार,प्रदेश नं.३ को संयोजकमा धर्मराज रिमाल,प्रदेश नं.३ कै सहसंयोजकमा निररत्न नेवा, प्रदेश नं.४ को संयोजकमा भानुभक्त बराल,प्रदेश नं.५ को संयोजकमा डिलबहादुर ढुंगाना क्षेत्री,प्रदेश नं.६ को संयोजकमा नवराज सिंह विजयी भएका छन्। प्रदेश नं.७ को संयोजकमा भने टेकराज जोशी निर्विरोध भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
