काठमाडौं- नेपाली कांग्रेसको जारी केन्द्रीय समितिको बैठक नेपाल विद्यार्थी संघको नयाँ कार्यसमितिका विषयमा टुंगो नलगाई सकिने भएको छ।
भ्रातृ संस्थाको महाधिवेसन र पूर्णताका लागि बैठकमा छलफल भएपनि केन्द्रीय समितिले निर्णय नगरिकै बैठक अन्त्य हुने भएको हो।
केन्द्रीय समितिका्े बैठकपछि शीर्ष तहका नेताले नेविसंघको कार्यसमितिबारे निर्णय गर्ने प्रवक्ता विश्वप्रकाश शर्माले जानकारी दिए। बैठकमा उमेर हदका साथै पार्टी संयन्त्रबाट नै नेविसंघको महाधिवेसन गराउनु उपयुक्त हुने राय पनि उठेको छ।
समयावधि सकिएका भ्रातृ संस्थालाई थप समय दिएर महाधिवेशन केन्द्रित गर्ने आवाज बैठकमा उठेको छ।
साथै, महाधिवेसन गर्न नसकेका भ्रातृ संस्थालाई विघटन गरी तदर्थ समितिलाई महाधिवेशन गर्ने जिम्मा दिने बारेमा समेत केन्द्रीय सदस्यहरुले धारणा राखेको प्रवक्ता शर्माले जानकारी दिए।
नेपाल दलित संघ र सांस्कृतिक संघको विधान स्वीकृतिका लागि बैठकमा प्रस्तुत भएको छ। भ्रातृ र शुभेच्छुक १० संस्थाको कार्यवधि सकिएकाले कुन रुपमा अघि बढ्ने विषयमा बैठकमा एजेण्डा प्रस्तुत भएको छ।
दश दिन पछि सुरु हुने दोश्रो जागरण अभियानलाई प्रभावकारी बनाउन थप पहल गर्न केन्द्रीय सदस्यहरूले सुझाएका छन्।
असार २२ गतेको बैठकमा महामन्त्री पूर्णबहादुर खड्काले प्रस्तुत गरेका १४ एजेन्डामाथि छलफल भइरहेको छ।
बैठक थप एक दिन लम्ब्याएर स्थगित गर्ने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
