काठमाडौं- जनकपुरमा नरिवल बेच्ने युवकसँग प्रहरीले रकम मागेको भन्ने कुरा झुटो रहेको प्रहरीले जनाएको छ।
नरिवल बेच्ने १६ वर्षीय रोशन चौधरीसँग प्रहरीले रकम मागेको र नदिएकाले कुटेको भन्ने अफवाह फैलिएकाले आफ्नो गम्भीर ध्यानाकर्षण भएको भन्दै जिल्ला प्रहरी कार्यालय धनुषाले विज्ञप्ति जारी गरेकोे छ।
प्रहरीका अनुसार जानकी मन्दिर परिसरलाई सफा राख्ने तथा सौन्दर्यीकरण गर्ने भन्दै २०७६ असार ६ गते प्रदेशसभा सदस्य कौशल यादव, प्रमुख जिल्ला अधिकारी प्रदिपराज कणेल, जानकी मन्दिरका छोटा महन्त रोशन दास वैष्णव, नेपाल प्रहरी, सशस्त्र प्रहरीलगायत अन्य सरोकारवालाहरु समेतको उपस्थितिमा जानकी मन्दिर परिसरमा रहेका भित्री पसल तथा टहरा स्थायी रुपमा खाली गराउने सहमति भएको थियो।
सोही अनुसार टहरा हटाउन गएका जानकी मन्दिर परिसरका पर्यटक प्रहरीसँग पसलेहरुको सामान्य विवाद भएको कुरालाई भिडियो खिची प्रहरीले पैसा माग्दा नदिएपछि कुटपिट गरेको भन्दै समाचार लेखेर भ्रम छरिएको प्रहरीले जनाएको छ।
यस विषयमा छानबिन गर्न जिल्ला प्रहरी कार्यालयले डिएसपी सन्तुलाल प्रसाद जैसवारको नेतृत्वमा ५ सदस्यीय टोली गठन गरेको छ।
यो पनिः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791562069.png)
-1786602170.png)
