एजेन्सी- अमेरिकी राष्ट्रपति डोलाल्ड ट्रम्पले आफू नश्लवादी नरहेको प्रष्ट पारेका छन्।
ट्रम्पले फ्लोरिडा गल्फ रिसोर्टमा ह्वाइट हाउस संवाददाताहरुसमक्ष टिप्पणी गर्दै आफूले अफ्रिकी जनतालाई त्यस्तो अपशब्द नबोलेको जिकिर गरेका हुन्। केही दिनअघि आप्रवास सुधारका विषयमा ओवल अफिसको बैठकका क्रममा अफ्रिकी जनतालाई ट्रम्पले तुच्छ शब्द प्रयोग गरेको समाचार बाहिर आएको थियो।
आइतबार सम्वाददाताहरुसँग कुरा गर्दै उनले भने,‘म जातिवादी होइन। म अहिलेसम्म तपाईंले अन्तवार्ता लिएको सबैभन्दा कम नश्लवादी हुँ।’
नश्लवादको विषयमा अमेरिकी राष्ट्रपतिले प्रत्यक्ष रुपमा आफ्नो धारणा राखेको यो घटना पहिलो हो। सो क्रममा उनले ह्वाइट हाउसले जारी गरेको प्रेस वक्तव्यलाई ठाडै अस्वीकार गरे।
अमेरिकी सञ्चार माध्यमहरुमा केही दिनअघि ट्रम्पले अफ्रिकी जनतालाई इंगित गर्दै 'घृणित, फोहोरी, निच तथा अधर्मी मानिसहरु हाम्रो देशमा किन आउँछन्?' भनेर बोलेको समाचार प्रशारण भएको थियो।
बैठकपछि डेमोक्रेटिक सिनेटर डिक डर्बिनले राष्ट्रपति ट्रम्पले बैठकमा 'घृणा-भरिएको, निच र नश्लवादी' भाषाको प्रयोग गरेको आरोप लगाएका थिए।
तर होमल्यान्ड सिक्योरिटीका महासचिव क्रित्सजेन निल्सेन्ससहित बैठकमा भाग लिएका धेरै वरिष्ठ रिपब्लिकन सांसदहरूले भने ट्रम्पको भनाइमा कसैले पनि खण्डन नगरेको बताएका थिए।
शुक्रबार अफ्रिकी युनियनलले राष्ट्रपति ट्रम्पको सो अभिव्यक्तिको भर्त्सना गर्दै तत्कालै माफी माग्नुपर्ने माग गरेको थियो।बिबिसी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
