मौसमविद् भन्छन्- आज वर्षकै चिसो दिन, केही दिन यस्तै मौसम रहने

ब्लग

नेपाल लाइभ बुधबार, पुस १९, २०७४ १८:०१

काठमाडौं- बुधबार वर्षकै सबैभन्दा चिसो दिन भएको जल तथा मौसम विज्ञान विभागले जनाएको छ।

उपत्यकाको तापक्रम आज २.२ डिग्री सेल्सियसमा झरेको विभागका मौसमविद् वरुण पौडेलले बताए। यसअघि पुस १ गते उपत्यकाको तापक्रम २.८ डिग्री सेल्सियस थियो।

जिरी, जोमसोम र जुम्लाको तापक्रम आज माइनसमा झरेको छ। जुम्लामा माइनस ६.४, जोमसोममा माइनस २.२ र जिरीमा माइनस २ डिग्री सेल्सियस तापक्रम पुगेको उनले जानकारी दिए।

तराईका सबैजसो भागमा हुस्सु लागेको छ। तराईमा अधिकतम तापक्रम घटेको छ भने हिमाल र पहाडमा न्यूनतम तापक्रम घटेको छ। एक-दुई दिन मौसम यस्तै रहने विभागले जनाएको छ।

आकाश खुला हुनु, उत्तर पश्चिमी वायु बहनु, हिमालको चिसो आउनु जस्ता कारणले चिसो बढेको जनाइएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकारले अध्यादेश ल्याएर कानुन सुधार गर्न खोजेकोप्रति निजी क्षेत्र उत्साहित रहेको गगन थापाको दाबी

डा. निकोलस भुसाललाई ५० हजार धरौटीमा छाड्न अदालतको आदेश

जिबी राईको राहदानी रद्द गर्न अदालतको अनुमति