मोटरसाइकल दुर्घटनामा २ जनाको मृत्यु, बस पल्टिँदा ५ घाइते

ब्लग

नेपाल लाइभ मंगलबार, पुस १८, २०७४ १३:०१

राजविराज- सवारी दुर्घटनामा सप्तरीका दुई युवकको मृत्यु भएको छ।

डाक्नेश्वरी नगरपालिका १ कबिलाशाबाट कठौना जाँदै गरेको स ४ प १२१९ नंको मोटरसाइकल दुर्घटनामा परी चालक २५ वर्षीय दिपेश चौधरी र पछाडि बसेका २३ वर्षिय दीपक चौधरीको मृत्यु भएको हो।

राति करिब साढे ८ वजे शम्भुनाथ नगरपालिका–१० स्थित कठौना–पातो सडक खण्डमा बा२४प २८६१ नं. को मोटरसाइकलले ओभरटेक गर्ने क्रममा ठक्कर दिएपछि दुवै मोटरसाइकल दुर्घटनामा परेको इलाका प्रहरी कार्यालय कल्याणपुरले जनाएको छ।

दुर्घटनामा टाउको, छातीलगायत शरिरका विभिन्न ठाउँमा गम्भीर चोट लागेका दुवैलाई उपचारका लागि तत्कालै सिराहाको लहानस्थित सप्तऋषि अस्पतालमा भर्ना गरिएको र सोही क्रममा उनीहरुको मृत्यु भएको प्रहरीको भनाइ छ।

बा २४ प २८६१ नं. को मोटरसाइकलका चालक डाक्नेश्वरी नगरपालिका ३ का १९ वर्षिय गयानन्द चौधरीलाई इप्रका कल्याणपुरले नियन्त्रणमा लिएको छ।

यसैगरी, राति करिब साढे ९ बजे अपाङ्गता भएका व्यक्ति चढेको ना३ख १२६५ नं. को यात्रुबस रुपनी गाउँपालिका ५ स्थित रुपनी–राजविराज सडक खण्डमा दुर्घटना हुँदा सुरुङ्गा नगरपालिका ४ मधुपट्टीकी ४८ वर्षिया सुशीला चौधरीसहित ५ जना घाइते भएका छन्।

देब्रे खुट्टा भाँचिएकी चौधरीको अवस्था गम्भीर रहेको जिल्ला प्रहरी कार्यालय सप्तरीले जनाएको छ। बसमा १० जना सवार थिए।

सिरहाको लाहानतर्फ जाँदै गरेको उक्त यात्रु बस अनियन्त्रित भई सडकमा पल्टिएको सप्तरी प्रहरीको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान