भैरहवा- रुपन्देहीकाे भैरहवामा जारी अन्तरदेशीय एसियन च्यालेन्जर ट्रफी (क्लब) क्रिकेट प्रतियोगिता अन्तर्गत मंगलबार भएको खेलमा शंकरनगर क्रिकेट क्लब रुपन्देही र गुजरात लायन्स पाकिस्तान विजयी भएका छन्।
शंकरनगरले राइनोज क्रिकेट क्लब काठमाडाैंलाई ३ विकेटले र गुजरात लायन्सले सहारा क्रिकेट क्लब हैदराबाद (भारत)लाई ५ विकेटले पराजित गरेको हो। टस जितेर व्याटिङ गरेको राइनोजले निर्धारित २० ओभरमा १० विकेट गुमाउँदै ८८ रन बनायो। उसका लागि रोहित कुमार पौडेलले २९ र मन बहादुर थापाले ८ रनको योगदान गरे। बलिङमा शंकरनगरका दुर्गेश गुप्ताले ३, साहब आलम र विक्रम भुसालले २/२ तथा सन्दिप सुनार र अनिल खरेलले १/१ विकेट लिए।
जवाफमा शंकरनगरले १९ दशमलव १ ओभरमा ७ विकेट गुमाउँदै ९० रन बनायो। उसका लागि सौरभ खनालले ४१ र प्रज्जवल थापाले १७ (नटआउट) रनको योगदान गरे। बलिङमा राइनोजका सूर्य तामाङले ३, रोहित कुमार पौडेलले २ तथा कमलसिंह ऐरी र धिरज शाहीले १ विकेट लिए। खेलमा शंकरनगरका दुर्गेश गुप्ता म्यान अफ द म्याच घोषित भए।
दोस्रो खेलमा टस जितेर व्याटिङ गरेको सहारा क्रिकेट क्लब हैदराबाद (भारत)ले निर्धारित २० ओभरमा ४ विकेट गुमाउँदै १४४ रनको योगफल बनायो। उसका लागि अबले ४० (नटआउट), राजले ३९ र साईदुर्गाले १६ रनको योगदान गरे। बलिङमा फराद खानले २ र इलियास रजाले १ विकेट लिए।
जवाफमा गुजरात लायन्सले १८ दशमलब ५ ओभरमा ५ विकेट गुमाउँदै १४७ रन बनायो। उसका लागि अर्बुरहमानले ७५ (नटआउट), मजिद इलियासले २४ र सैद इसरार साहले १७ रनको योगदान गरे। बलिङमा सहारा क्रिकेट क्लबका अब र भासमीले २÷२ तथा पवनले १ विकेट लिए। खेलमा गुजरात लायन्सका अर्बुरहमान म्यान अफ द म्याच घोषित भए।
बुधबारको पहिलो सेमिफाइनल खेल राइनोज क्रिकेट क्लब काठमाडाैं र असरक ग्लोबल स्पोर्टस् बंगलादेश तथा दोस्रो सेमिफाइनल खेल शंकरनगर क्रिकेट क्लब रुपन्देही र वेस्टर्न क्रिकेट क्लब बुटवलबीच हुने रुपन्देही क्रिकेट संघका अध्यक्ष प्रशान्त विक्रम मल्लले बताए।
भैरहवा क्वीन्स प्रालिको आयोजना, राइनो स्पोर्ट्सको संयोजन तथा रुपन्देही क्रिकेट संघको प्राविधिक सहयोगमा भैरहवास्थित सिद्धार्थ रंगशालामा सञ्चालित अन्तरदेशीय टी–ट्वान्टी प्रतियोगितामा नेपालसहित भारत, बंगलादेश पाकिस्तानका गरी ८ वटा व्यवसायिक क्लबले प्रतिष्पर्धा गर्दैछन्। प्रतियोगिताको ह्वाक नेपाल, कामना सेवा बैंक, स्प्यारो एसएमएसले प्रायोजन गरेको छ भने प्रतियोगिताको विजेताले ३ लाख नगद पुरस्कार पाउनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751886908.jpg)
-1752043710.jpg)
-1752319244.png)
-1749826086.png)
