गुठीबारे सञ्चारमन्त्रीले पढ्नुपर्छ : केदारभक्त माथेमा [भिडियो वार्ता]

भिडियो

नेपाल लाइभ शुक्रबार, जेठ ३१, २०७६ १७:३४

काठमाडौं- गुठी संरक्षण पुचःका अध्यक्ष एवं शिक्षाविद् केदारभक्त माथेमाले सूचना, सञ्चार तथा प्रविधिमन्त्री एवं सरकारका प्रवक्ता गोकुल बाँस्कोटालाई गुठीसम्बन्धी अध्ययन गर्न सुझाव दिएका छन्।

मन्त्री बाँस्कोटाले बिहीबार सिंहदरबारमा आयोजित पत्रकार सम्मेलनमा गुठी प्रथा सामन्तवादको स्वरुप भएको बताएका थिए। गुठी विधेयक सरोकारवालाहरुले चाहेको भन्दा फरक ढंगले आएकाले यसबारे छलफल गर्नु नै फजुल रहेको भन्दै फिर्ता लिन माथेमाले सरकारलाई आग्रह गरेका छन्। विधेयकलाई संशोधन नगरेरै नयाँ बनाउनुपर्ने माथेमाको सुझाव छ।

नेपाल लाइभको कार्यक्रम 'समय संवाद'का लागि कुरा गर्दै माथेमाले गुठी व्यवस्थामा केही समस्या भएको स्वीकार गर्दै यसका लागि सरकारले पर्याप्त अध्ययन र छलफलबाट मात्रै विधेयक तयार गर्नुपर्ने बताए। धर्म, संस्कृतिसँग सम्बन्धित विषयको यो विधेयक एक्कासि माथिबाटै आउँदा अहिले समस्या उत्पन्न भएको उनको तर्क छ।

गुठीले गर्दा नै मठ मन्दिरको जीर्णोद्धार र मौलिक संस्कृतिले निरन्तरता पाइरहेको माथेमा बताउँछन्। उनले मूर्त अवस्थामा रहेका पशुपतिनाथ, स्वयम्भू, विभिन्न धर्म, संस्कृति र परम्परासँग जोडिएका सम्पदालाई अमूर्त बनाउने काम गुठीबाट सञ्चालित क्रियाकलापले गरिरहेको उनको भनाइ छ।

गुठी व्यवस्था नेपालको मौलिक सम्पत्ति रहेकाले सुधारको आवश्यकता भने कायमै रहेको माथेमा बताउँछन्।

विवादित गुठी विधेयकका विषयमा माथेमासँग नेपाल लाइभकी पुष्पा केसीले गरेको भिडियो वार्ता।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

समाजवाद स्थापना नभएसम्म क्रान्तिबाट विश्राम लिइन्न : महासचिव चन्द

कञ्चनपुरको कलुवापुरमा बस दुर्घटना हुँदा ३१ जना घाइते

पाकिस्तानको साम्प्रदायिक हिंसामा ३२ जनाको मृत्यु