समाज

रक्तदाता जुटाउँदै मिस पूर्वाञ्चलका प्रतियोगी (फाेटाे फिचर)

नेपाल लाइभ शनिबार, भदौ २४, २०७४ २०:२२

धरान – शनिबार धरानको भानुचोक स्थित घण्टाघर गेट बाहिर हरियो टिसर्ट लगाएका युवतीहरु रक्तदाता खोजिरहेका थिए । उनीहरु बाटोमा हिंडिरहेका हरेसँग रक्तदान गर्न अनुरोध गरिरहेका थिए । एउटै पहिरनका उनीहरु मिस पूर्वाञ्चलका सहभागी हुन् ।

धरानमा आयोजना भइरहेको नेपालआइस नेचुरा मिस पूर्वाञ्चल २०१७ का सहभागी युवतीहरुले शनिवार दिनभरि धरानबासीलाई रक्तदानका लागि आग्रह गरे। आठ वर्षदेखि सञ्चालन भइरहेको मिस पूर्वान्चलले आफ्नो सुरुवातदेखि नै रक्तदान कार्यकर्मलाई निरन्तरता दिँदै आएको छ । रक्तदान प्रति जनचेतना जगाउने अभिप्रायले कार्यक्रममा समावेश गरिँदै आएको आयोजक सिल्भर इन्टरटेनमेन्टका प्रबन्ध निर्देशक सौरभ श्रेष्ठले बताए । यो वर्ष रक्तदान कार्यक्रम एनआईसी एशिया बैंक लिमिटेडको सहकार्यमा गरिएको हो । बैंकका शाखा प्रबन्धक बिशाल श्रेष्ठले रक्तदान गर्दै सामाजिक तथा जनचेतनामूलक कार्य भएकाले आफू सहभागी भएका बताए । बैकका अन्य कर्मचारीहरुले पनि रक्तदान गरेका थिए ।

रक्तदाता खोज्न सक्रिय मिस पूर्वाञ्चलकी प्रतियोगी मध्ये एक एजिना सिटौला आफूलाई सेवामा सहभागी हुन पाउँदा खुशी लागेको बताउँछिन् । दुई घण्टा चलेको रक्तदानमा १६ पिन्ट रगत संकलन गरिएको थियो भने सोहि समय अकस्मात बिपीकेआईएचएसमा चाहिएको बी पोजिटिभ रगतका रक्तदाता तथा सिजी ग्रुपका सेल्स मेनेजर खेम कुइँकेलबाट २ पिन्ट रगत संकलन गरी पठाइएको थियो । १५ बर्ष अगाडीबाट रक्तदान गरिरहेका कुइंकेलले हाल सम्म ४६ पटक रक्तदान गरिसकेका छन् तर यसरि इमर्जेन्सी रगत चाहिएको बिरामीलाई आफ्नो रगत दिन पाउँदा मन एकदमै आनन्दित भएको उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

पाथीभरामा एकै दिन ११ हजारभन्दा बढी भक्तजन

एनपीएल खेल्न विदेशबाट आएका चर्चित तीन क्रिकेटर सगरमाथाको आधार शिविरमा

सास रहुन्जेल पार्टीका लागि सङ्घर्ष गर्छु : देउवा