यतिबेला न पार्टी छ, न त कमिटी : भीम रावल [भिडियो वार्ता]

अन्तर्वार्ता

नेपाल लाइभ बिहीबार, जेठ २, २०७६ १७:३९

काठमाडौं- नेपाल कम्युनिस्ट पार्टी (नेकपा) स्थायी कमिटी सदस्य भीम रावलले नेकपा स्थापनाको एक वर्ष पुग्दै गर्दा पार्टीको अस्तित्वमाथि नै प्रश्नचिह्न खडा गरेका छन्।

नेपाल लाइभसँगको कुराकानीमा उनले अहिले पार्टी र कमिटी नै नभएको तर्क गरे। तत्कालीन नेकपा एमाले र अहिलेको नेकपाबीच तुलनै गर्न नसकिने उनको भनाइ छ। कुनै राष्ट्रिय विषय आयो भने एमालेमा तत्काल केन्द्रीय कमिटीको बैठक बोलाएर घन्टौं छलफल हुने गरेको प्रसंग उनले स्मरण गरे।

‘यसबेला त पार्टी नै छैन। कमिटी पनि छैन। तत्कालीन एमालेमा घन्टौं छलफल भएका छन्। कहिलेकाहिँ त एक हप्तासम्म छलफल भएका छन्। मान्छे एक घन्टा, आधा घन्टा बोल्थे,' रावलले भने, ‘बहस हुन्थ्यो। छलफल हुन्थ्यो। बाहिर भए/नभएका सबै कुरा त्यहाँ आउँथे। सन्दर्भहरु उठाइन्थ्यो। तथ्यहरु आउँथ्यो। अब, एक वर्षमा पार्टी नभएको बेला त्यो हुने कुरै भएन। कमिटी नै नभएको बेला त्यस्तो त कहाँबाट हुन्थ्यो होला र?’

नेता रावलले छिटोभन्दा छिटो पार्टी प्रणाली, विधि विचार, पद्धति बमोजिक सामूहिक बलबुद्धिबाट निष्कर्ष निकालेर काम गर्न पार्टी नेतृत्वलाई सुझाव दिएका छन्।

रावलसँग नेपाल लाइभकी पुष्पा केसीले गरेको वार्ता माथिको भिडियोमा।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड