काठमाडौं- बाल्यकालबाट नै गीतसंगीतमा रुचि राख्ने गंगा गजमेर पछिल्लो समय नेपाली सांगीतिक क्षेत्रमा सक्रिय गायिकाका रुपमा उदाएकी छन्। सानै छँदा रेडियो नेपालमा बज्ने गीत उनका लागि गायनमा उर्जा थप्ने स्रोत थिए। रेडियोमा बज्ने गीत सुनिहरँदा सफल गायिका बन्ने सपना बुन्ने गर्थिन् गजमेर।
रेडियो सुन्थिन्, गुनगुनाउँथिन् तर साथीभाई वा आफन्तजनसँग खुलेर भने गाउन र सुनाउन सक्दिन थिइन्।
गायक नारायण गोपालको गायनमा मोहित हुने गजमेर जीवनको पहिलो पटक कक्षा १२ मा अध्ययन गर्दै गर्दा स्टेज चढेकी थिइन्। कक्षा ११ मा भर्ना हुन आएका साथीलाई स्वागतका लागि मनमा डर र उत्सुकता बोकेर स्टेज उक्लिएकी गजमेरको गायन यात्रा त्यसपछि भने निरन्तर अघि बढिरहेको छ।
साथीसंगीहरुको साथ, सहयोग, हौसला अनि आफन्तजनको सहयोगले नै सांगीतिक यात्रा सरल बनेको बताउने गजमेर अबका दिनमा पनि गीतसंगीतलाई निरन्तरता दिइरहने बताउँछिन्।
झापाको दमकमा करिब तीन दशकअघि जन्मिएकी गंगाले प्लस टू सम्मको अध्ययन दमकमै पूरा गरिन्। त्यसपछि उच्च शिक्षाका लागि २०६४ सालमा राजधानी प्रवेश गरेकी गजमेरले त्रिभुवन विश्वविद्यालय कीर्तिपुरबाट शिक्षाशास्त्र संकायमा स्नातकोत्तर गरिसकेकी छन्।
गायनमा विशेष रुचि भएकाले उनले औपचारिक शिक्षासँगै संगीत अध्ययनलाई पनि निरन्तरता दिइन्। जसअनुरुप उनले गायनमा ललितकला क्याम्पसबाट गायनमा समेत बिएफए पूरा गरेर संगीतकर्ममा कर्मशील रहेको बताउँछिन्।
यससँगै १० वर्षदेखि शास्त्रीय संगीतको समेत अध्ययन गरिरहेकी गजमेरको केही समयअघि ‘स्वरादी’ नामको पप एल्बम सार्वजनिक भएको थियो।
एल्बमको सफलतासँगै २ वर्षपछि सोही एल्बममा समावेश ‘हासेर’बोलको गीतको म्युजिक भिडियो समेत सार्वजनिक गरेकी छन्। नेपाल लाइभसँग कुरा गर्दै गायिका गजमेरले सांगीतिक क्षेत्र, त्यसमा पनि पार्श्व गायनमा अबको यात्रा तय गर्ने योजना सुनाइन्।
गजमेरले सो गीतलाई भिडियोसहित सार्वजनिक गरेकी छन्।
गीतसंगीतको क्षेत्रमा पनि उच्च प्रतिस्पर्धा बढेकाले संगीत उद्योगमा टिक्न सकस भएतापनि निरन्तरता दिने गजमेरको भनाइ छ।
भर्खरै सार्वजनिक गीतमा संगीता थापाको शब्द, मानुषी किरणको संगीत तथा गायिका गजमेरको स्वर रहेको छ। गीतको भिडियोमा मोडल नरेन खड्का र मरिश्का पोखरेलको अभिनय देख्न सकिन्छ।
पछिल्लो समय गीत संगीत भन्ने बित्तिकै श्रव्य र दृश्य दुवै पाटा जोडिने बुझाइ जनमानसमा बढेकाले आफ्नो उपस्थितिलाई समेत बलियो बनाउन बजारमा भिडियोसहित आउनु परेको गायिका गजमेरले बताइन्।
भिडियो:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1747311157.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
