कञ्चनपुर– कञ्चनपुरमा काठ तस्करीमा संलग्न एक जना पक्राउ परेका छन्।
कृष्णपुर नगरपालिका– ५ स्थित हरियाली सामुदायिक वनबाट काठ तस्करीमा संलग्न भरत कामीलाई सब डिभिजन वन कार्यालय वाणीले सोमबार पक्राउ गरेको हो।
वन क्षेत्रमा आराको सहायताले सालको काठको गोलिया काटिरहेको अवस्थामा कामीलाई सामुदायिक वनका पदाधिकारीको सहयोगमा पक्राउ गरिएको सव डिभिजन वन कार्यालय वाणीका प्रमुख विश्वराज पण्डितले बताए।
कामी कृष्णपुर– ४ का बासिन्दा हुन्।
काठ काटिरहेको ठाउँबाट सालको गोलिया, आरासमेत बरामद भएको छ।
'काठ काट्ने कार्यमा संलग्न अन्य ६ जना वन कार्यालयको टोली देखेर भागेकाले उनीहरूको खोजी गरिरहेका छौँ', कार्यालय प्रमुख पण्डितले भने, 'काठ काट्दै गरेको सालको रुखको केही भाग गायब पारिएकाले त्यसको समेत खोजी भइरहेको छ।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
