काठमाडौं– जबरजस्ती जहाज ल्यान्ड गर्न खोज्दा युएस बंगालको विमान त्रिभुवन अन्तर्राष्ट्रिय विमानस्थलमा दुर्घटना भएको प्रमाािणत भएको छ।
यज्ञ प्रसाद गौतमको संयोजकत्वमा बनेको जहाज दुर्घटना जाँचबुझ आयोगले सार्वजनिक गरेको प्रतिवेदनमा पाइलटकै कारण जहाज दुर्घटना भएको उल्लेख गरिएको छ।
‘जहाज ल्यान्ड गर्ने अन्तिम समयसम्म पनि जहाज ल्यान्ड नगरी डाइर्भट गर्न सक्ने अवस्थमा थियो’, छानबिन कमिटिमा सदस्य तथा मन्त्रालयका सह–सचिव बुद्धि सागर लामिछानेले भने, ‘जबरजस्ती जहाज ल्यान्ड गर्न खोज्दा दुर्घटना भएको छ।’
जहाज दुर्घटनामा ५१ जनाले ज्यान गुमाएका थिए। प्रतिवेदनमा आफ्नो महिला सहकर्मीले पाइलटलाई उनको शिक्षण क्षमताका विषयमा प्रश्न गर्दा पाइलट मानसिक दाबबमा परेको उल्लेख गरेको छ। यो विषयसँगै विमानका अन्य परिचालकहरुको विमान सञ्चालनसम्बन्धी अत्यन्तै आवश्यक पर्ने विधिको सही पालना गर्न नसक्दा पनि दुर्घटना भएको प्रतिवेदनमा उल्लेख छ।
अवतरणको क्रममा अपनाउनु पर्ने सवधानी अपनाउन नसक्नुलाई प्रतिवेदनले दुर्घटनाको कारकका रुपमा उल्लेख गरेको छ। जसका कारण विमान धावन मार्गबाट जाँदा पनि त्यसको हेक्का विमानका परिचालकलाई हुन सकेन। धावन मार्गबाट विमान बाहिर गएपछि परिस्थितिजन्य अवस्थाको सही आंकलन गर्न नसक्दा विमान परिचालकले सही दिशा ठम्याउन नसकेको छानबिन प्रतिवेदनमा उल्लेख छ।
जब परिचालकले धावन मार्गलाई देख्दा उनीहरु धावन मार्गको ज्यादै नजिक आइपुगेका जनाइएको छ। धावन मार्ग २० नजिक विमान आएपुगेपछि धावनमार्गलाई नजिकबाट देखे पनि विमान धावनमार्गसँग जोडिन नसकेको उनीहरूले स्वीकार गरेका छन्। यस्तो अवस्थामा जर्बजस्ती विमानलाई अवतरण गर्न खोज्दा दुर्घटना भएको प्रतिवेदनमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
