जनकपुर– एक वर्षको अवधिमा सिरहामा ३२ बलात्कार भएको घटना सार्वजनिक भएको छ।
_x000D_
_x000D_
अनौपचारिक क्षेत्र सेवा केन्द्र इन्सेक, सिरहाको आयोजनामा नेपाल मानवअधिकार वर्ष पुस्तक २०१९ को वार्षिक समीक्षा कार्यक्रममा एक वर्षको अवधिमा सिरहा जिल्लामा बलात्कारका ३२ वटा, बलात्कार प्रयासका २२ ओटा, बहुविवाहका ११ वटा लगायतका ९१ वटा घटना रहेका छन्।
_x000D_
_x000D_
जसमा ९० महिला सहित ९९ जना पीडित भएको बताइएको छ।
_x000D_
_x000D_
इन्सेकले २०१८ काे जनवरीदेखि अक्टाेबरसम्म जिल्लामा संकलन गरेका मानवअधिकार उलंघन र ज्यादतीका संकलित घटनाहरुकाे तथ्यांक सार्वजनिक गरेको हो।
_x000D_
_x000D_
कार्यक्रममा प्रमुख अतिथि इलाका प्रशासन कार्यालयका प्रमुख सोम प्रसाद भट्टराईले इन्सेकको वर्ष पुस्तकले राज्यको उपस्थिति कहाँ कस्तो रहेको प्रष्ट हुने भएकाले कमजोरी सच्याउन सहयोग पुग्ने बताए।
_x000D_
_x000D_
महिला हिंसाका घटना वृद्धि भएकाले यसको रोकथामको लागि सबै पक्ष मिलेर लाग्नुपर्ने बताए।
_x000D_
_x000D_
ईलाका प्रहरी कार्यालय लहानका डिएसपी राजेश थापाले इन्सेकले मानवअधिकारको क्षेत्रमा महत्वपूर्ण योगदान पुर्याएकाे बताए।
_x000D_
_x000D_
वर्ष पुस्तक मानवअधिकारको दस्ताबेज भएकाले यसमा मानवअधिकारका सम्पूर्ण बुँदाहरूलाई समेटेर प्रकाशन गर्न डिएसपी थापाले सुझाब दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
