काठमाडौं- छोरीको न्यायका लागि सय दिनदेखि उस्तै धपेडी छ, दुर्गादेवी पन्तलाई।
_x000D_
_x000D_
घरबाट हराएकी छोरीको खोजीमा लागेकी दुर्गादेवीले छोरीको शव त देख्न पाइन्, तर न्याय पाउने कुरा धेरै टाढाको भइसकेको छ।
_x000D_
_x000D_
नेपाल लाइभसँगको कुराकानीमा उनले छोरीको बलात्कारपछि भएको हत्यालाई 'दरबार हत्याकाण्ड' जस्तै बनाइएको बताएकी छन्। 'हत्या र प्रमाण मेटाउने काम योजनाबद्ध भएकाले छोरीको हत्या पनि दरबार हत्याकाण्ड जस्तो जटिल बन्दै गएको छ,' उनी भन्छिन्।
_x000D_
_x000D_
अहिलेसम्म घटनाको प्रकृति हेर्दा सामान्य मान्छेले हत्या गरेको हो भन्ने विश्वास लाग्दैन उनलाई।
_x000D_
_x000D_
छोरीको बलात्कारपछि हत्या भएको देख्नुपर्दा कुन आमाको छाती नचिरिएला! दुर्गादेवीले तीन महिनाभन्दा बढी समयदेखि आफूलाई भित्रभित्रै जलाएर बाँचिरहेकी छन्। 'मलाई त आफूलाई जिउँदै जलाए बराबर भइरहेको छ,' मसिनो स्वरमा उनले भनिन्, 'अहिलेसम्म हत्यारा पत्ता नलाग्नुले जीवन नै लास बराबर भएन त!'
_x000D_
_x000D_
छोरीको न्यायका लागि दौडँदादौडँदा घरको कामधन्दा ठप्प भइसकेको छ। अझै कति समय यसरी हारगुहार गर्नुपर्ने हो, उनले सोच्न सकेकी छैनन्।
_x000D_
_x000D_
_x000D_
_x000D_
निर्मलाको हत्यापछि बुबाआमासँगै उनका दिदीबहिनीमा पनि मानसिक पीडा थपिएको छ। 'अरु छोरीहरु पनि टोलाइरहन्छन्। ठूली छोरीले एसएलसी दिने भई, पढाइको राम्रो माहोल बनाउनुपर्नेमा उल्टै यस्तो तनाव बोक्नुपरेको छ,' दुर्गादेवी बिलौना गर्छिन्।
_x000D_
_x000D_
आफूलाई राज्यको सहयोगभन्दा पनि पहिले न्याय चाहिएको उनी बताउँछिन्। ‘हामी काम गरेर दुई छाक टार्ने मान्छेलाई समस्या त छँदैछ। तर, आर्थिक राहत र सहयोग समायौं भने घटनाको अनुसन्धान फितलो हुन्छ भन्ने हो,’ दुर्गादेवी भन्छिन्, ‘हत्यारा पत्ता लगाउन एकदम ढिला भएको छ। के कारण ढिला भइरहेको छ? कसरी हत्यारा पत्ता लाग्ने हो? हामी त अन्योलमा परेका छौं।’
_x000D_
_x000D_
घटनाको अनुसन्धानमा सुरुदेखि नै लापरबाही गरिएकाले घटनालाई यत्तिकै दबाइने हो कि भन्ने आशंका पनि छ उनलाई। शव फेला परेपछि प्रहरीले नै निर्मलाको कपडा पखाल्नुलाई अरुले पनि शंकाको कोणबाट हेरेका छन्। सकारले जसरी पनि हत्यारा पत्ता लाग्छ भन्ने आश्वासन त दिएको छ निर्मलाका परिवारलाई। तर, प्रारम्भिक प्रमाण नै नष्ट बनाइएपछि कसरी पत्ता लाग्छ अपराधी? दुर्गा यही प्रश्नमा रुमल्लिएकी छन्।
_x000D_
_x000D_
'घटना दबाउने प्रयास भयो। गहिराइमा पुगेर सोच्दा न्याय पाउन जटिल होला जस्तो लाग्न थालिसकेको छ,' थकित आवाजमा उनी बोलिन्।
_x000D_
_x000D_
निर्मला हत्याको दोषीलाई पक्राउ गर्न र न्यायको माग गर्दै देशभर विभिन्न खाले दबाबपूर्ण आन्दोलन पनि भए। विभिन्न अनुसन्धान टोलीले अनुसन्धान पनि गरिरहेको छ। तर प्रगति शून्य छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
