लो-मान्थाङ (मुस्ताङ)– राम्रोसँग हिउँ पर्नुअघि नै लो-मान्थाङमा पानी जम्न थालिसकेको छ। कतिपय होटलका धारामा पानी आउँदैनन् भने सडकतिर बिहान अबेलासम्म पानी जमेको देख्न सकिन्छ।
_x000D_
_x000D_
_x000D_
_x000D_
चिसो बढ्दै गएको लो-मान्थाङबासीले संकेत पाउँछन्। बाहिरबाट जानेहरुलाई त्यही नै उच्चतम चिसो लाग्न सक्छ।
_x000D_
_x000D_
_x000D_
_x000D_
पर्यटकहरु सक्रिय नभए पनि स्थानीय भने सक्रिय भइसकेका देखिन्छन्, बिहानैदेखि। वरिपरिका पहेंला डाँडाहरु सूर्यका किरणले चम्किला हुन्छन्।
_x000D_
_x000D_
_x000D_
_x000D_
लो-मान्थाङलाई 'वाल सिटी' भनेर पनि चिनिन्छ। अंग्रेजी 'एल' आकारभित्र 'कोर' लोमान्थाङ छ। पुरानो बस्ती त्यहाँ देख्न सकिन्छ। त्यहाँ केहीअघिको तथ्यांकअनुसार १ सय २० घर रहेको सीमा प्रहरी चौकीका इन्चार्ज प्रहरी सहायक निरीक्षक नरेन्द्र पौडेलले जानकारी दिए।
_x000D_
_x000D_
_x000D_
_x000D_
तर, अहिले भने त्यो बस्ती पर्खाल बाहिर पनि फैलिसकेको छ। मानिसहरुलाई होटल चलाउन तथा अन्य व्यवसाय गर्न बाहिर नै सहज भएजस्तो देखिन्थ्यो।
_x000D_
_x000D_
_x000D_
_x000D_
कोर लो-मान्थाङमै गुम्बाहरु छन्। पसल छन्। दैनिकी छ। एउटा गाउँमा हुने सबै कुरा छन्। मुख्यत: पूर्व मुस्ताङी राजपरिवारको दरबार पनि छ।
_x000D_
_x000D_
_x000D_
_x000D_
०७२ सालको भूकम्पले क्षति पुगेको दरबारको पुनर्निर्माण चलिरहेको छ। गणतन्त्रपछि शक्ति र सुविधा दुवै गुमाएका पूर्व राजपरिवारप्रति लो-मान्थाङबासीमा उत्तिकै आदरभाव र सम्मान देखिन्छ। त्यसैले त पूर्वयुवराज जिग्मे सिंवे परवल विष्टलाई उनीहरुले अहिले पनि सम्मान गर्छन्, युवराज नै भन्छन्।
_x000D_
_x000D_
_x000D_
_x000D_
सामान्यतया काठमाडौंमा बस्ने उनी मुस्ताङ गएका बेला कहिले दरबारमा त कहिले आफ्नै रिसोर्टमा बस्छन्।
_x000D_
_x000D_
_x000D_
_x000D_
पूर्वयुवराज विष्ट कोर लोमान्थाङको नजिकै रिसोर्ट चलाउँछन्। 'रोयल मुस्ताङ रिसोर्ट'मा बिहानैदेखि बाह्य पर्यटकहरुको चहलपहल देख्न सकिन्छ।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
