काठमाडौं– टाटा मोटर्सको नयाँ टियागो ईभी नेपाली बजारमा विशेष अफरसहित उपलब्ध भएको छ । नेपालका लागि टाटा मोटर्सको आधिकारिक वितरक सिप्रदी ट्रेडिङ प्रालिले नयाँ टियागो ईभीलाई लक्षित गर्दै ‘जोयफुल विक’ नामक विशेष अभियान सञ्चालन गरिरहेको छ ।
सेप्टेम्बर १९ देखि २६ सम्म सञ्चालन हुने अभियानमा ग्राहकले ४.३ लाख रुपैयाँ डाउनपेमेन्ट गरेर नयाँ टियागो ईभी घर लैजान सक्ने कम्पनीले जनाएको छ ।
‘एक्सचेन्ज, अपग्रेड, सेलिब्रेट’ मुख्य सन्देशसहित सञ्चालन भइरहेको अभियानमा ग्राहकलाई पुरानो गाडी एक्सचेन्ज गरेर नयाँ विद्युतीय गाडीमा अपग्रेड गर्ने अवसर प्रदान गरिएको छ । अभियानमार्फत गाडी खरिद प्रक्रियालाई सहज बनाउनुका साथै ग्राहकलाई विभिन्न सुविधा र उपहार उपलब्ध गराउने कम्पनीको लक्ष्य छ ।
बुकिङमै उपहारदेखि एक्सचेन्जमा विशेष मूल्यांकन
‘जोयफुल विक’ अवधिमा नयाँ टियागो ईभी बुकिङ गर्ने प्रत्येक ग्राहकले आकर्षक उपहार प्राप्त गर्नेछन् । त्यस्तै, पुरानो गाडी एक्सचेन्ज गर्ने ग्राहकका लागि ‘बेस्ट एभर एक्सचेन्ज भ्यालुएसन’ सुविधा उपलब्ध गराइएको छ ।
यस सुविधाले पुरानो सवारीसाधनको मूल्यांकनबाट नयाँ विद्युतीय गाडीमा अपग्रेड हुने प्रक्रियालाई थप सहज बनाउने अपेक्षा गरिएको छ ।
कम्पनीका अनुसार अभियान अवधिमा टियागो ईभी खरिद गर्ने ग्राहकले निःशुल्क एक्सेसरिज, निःशुल्क वार्षिक सवारी कर र निःशुल्क होम चार्जिङ इन्स्टलेसन समेत प्राप्त गर्नेछन् । यसबाट ग्राहकले गाडी खरिदसँगै आवश्यक केही अतिरिक्त सुविधामा समेत लाभ लिन सक्नेछन् ।
दैनिक प्रयोगलाई लक्षित विद्युतीय मोडल
टाटा मोटर्सको टियागो ईभी आधुनिक डिजाइन, सहज विद्युतीय ड्राइभिङ अनुभव तथा दैनिक प्रयोगका लागि उपयुक्त विशेषताका कारण नेपाली बजारमा लोकप्रिय विद्युतीय मोडलका रूपमा प्रस्तुत हुँदै आएको छ ।
पुरानो पेट्रोल वा अन्य सवारीसाधनबाट विद्युतीय गाडीमा परिवर्तन गर्न चाहने ग्राहकलाई लक्षित गर्दै ल्याइएको ‘जोयफुल विक’ ले एक्सचेन्जदेखि नयाँ गाडी खरिदसम्मको प्रक्रियालाई एउटै अभियानमार्फत जोडेको कम्पनीले जनाएको छ ।
अभियानअन्तर्गत ग्राहकले नेपालभर रहेका टाटा मोटर्सका आधिकारिक शोरुममा पुगेर नयाँ टियागो ईभीबारे जानकारी लिन, टेस्ट ड्राइभ गर्न तथा उपलब्ध अफरबारे बुझ्न सक्नेछन् ।
कम्पनीले यो अभियान सीमित अवधिका लागि मात्र सञ्चालन हुने जनाएको छ । इच्छुक ग्राहकले सेप्टेम्बर १९ देखि २६ सम्म उपलब्ध अफरमार्फत नयाँ टियागो ईभी खरिद गर्न सक्नेछन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
