कागबेनी (मुस्ताङ)- दसैं सकियो। मुस्ताङ घुम्न आएका पर्यटक भने फर्किइसकेका छैनन्।
_x000D_
_x000D_
पर्यटकीय बस्ती हो, मुस्ताङको कागबेनी। यतिबेला यहाँ चिसो निकै बढेको छ। बाक्लो कपडा लगाएका मानिसहरूको चहलपहल बिहानैदेखि सुरु हुन्छ। उनीहरु चिसो सिरेटोमा आफूलाई हल्का बनाइरहेका छन्।
_x000D_
_x000D_
_x000D_
_x000D_
अघिल्लो दिन जोमसोम बसेका तर मुक्तिनाथ जाने यात्रुहरू, जो कागबेनी पस्न चाहन्छन्, उनीहरू आइसक्छन्। कागबेनीमै रात बिताएका हुन् वा जोमसोमबाट आएकाहरू, पितृलाई पिण्ड चढाउनेहरूको भिड देखिन्छ।
_x000D_
_x000D_
कागबेनीको थप बिशेषता कालीगण्डकीको किनारमा अवस्थित हुनु पनि हो। र, कालीगण्डकीको विशेषता शालिग्राम पाइनु। धार्मिक महत्त्वको शालिग्राम खोज्नेहरूलाई नदी किनारमा घुमिरहेका देख्न सकिन्छ।
_x000D_
_x000D_
_x000D_
_x000D_
हिमाल, नदी तथा फरक प्रकृतिका डाँडाहरू भएका कारण फोटो खिच्नेहरू भिड झोलुंगे पुल वरिपरि देखिन्छ। कोही सेल्फीको आनन्दमा रमिरहेका हुन्छन्।
_x000D_
_x000D_
बिहान साढे ७ बजेसम्म यहाँ घामको न्यानो स्पर्श पाइन्न। तर, वरिपरिका हिमालले भने बिहानै आँखा उघारिसकेका हुन्छन्। खैरा डाँडाहरू पनि कोही राता र कोही पहेँला देखिन्छन्।
_x000D_
_x000D_
_x000D_
_x000D_
कागबेनीबाट मुक्तिनाथ वा माथिल्लो मुस्ताङ जान सकिन्छ। मुख्य बस्तीभन्दा केही माथिबाट मुक्तिनाथसम्मै ११ किलोमिटर बाटो पिच छ। यहाँबाट ७ किमिजति माथिको छुसाङसम्म लोकल गाडीमा गएर त्यहाँबाट करिब ६० किमि जिपमा यात्रा गरी लो-मान्थाङ पुग्न सकिन्छ। अद्वितीय हिमाली सभ्यता बोकेको ठाउँ हो लो-मान्थाङ।
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762685028.png)
-1758539596-1762682671.jpeg)
