काठमाडौँ– सांसद ज्ञानेन्द्र शाहीले सरकारले प्रस्तुत गरेको नीति तथा कार्यक्रम पुरानै दस्ताबेजको प्रतिलिपि जस्तै भएको दाबी गरेका छन्।
प्रतिनिधि सभामा बोल्दै उनले सरकारद्वारा सार्वजनिक हालको नीति तथा कार्यक्रम र २०८१ सालको नीति तथा कार्यक्रमबीच धेरै बुँदा मिल्दोजुल्दो रहेको भन्दै तुलना प्रस्तुत गरे। उनका अनुसार दुवै दस्ताबेज अध्ययन गर्दा संरचना र विषयवस्तुमा उल्लेख्य परिवर्तन नदेखिएको छ।
शाहीले २०८१ सालको नीति तथा कार्यक्रममा २१७ बुँदा रहेको र पछिल्लो संस्करणमा १०० बुँदा भए पनि अधिकांश विषय समान रहेको बताए। केही शब्द र वाक्यांश मात्र परिवर्तन गरिएको तर मूल आशय भने यथावत् रहेको उनको आरोप थियो।
उनले दुई अलग वर्षका नीति तथा कार्यक्रमहरू एउटै शैली र ढाँचामा तयार भएको भन्दै टिप्पणी गरे। नयाँ नेतृत्व र नयाँ पुस्ताको अपेक्षाअनुसार ठूलो नीतिगत सुधार आउनुपर्नेमा त्यसको साटो पुरानै दस्ताबेज दोहोरिएको उनको भनाइ थियो।
शाहीका अनुसार दस्ताबेजमा साना परिवर्तन भए पनि मूल संरचना र विषयवस्तु मिलेकाले अपेक्षित नवीनता नदेखिएको जिकिर गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
