फाइल तस्बिर
काठमाडौं– सल्यानमा जन्ती बोकेको गाडी दुर्घटना हुँदा तीन जनाको घटनास्थलमै मृत्यु भएको छ ।
सल्यान प्रहरीका अनुसार बनगाड कुपिण्डे नगरपालिकामा भएको उक्त दुर्घटनामा अन्य १८ जना गम्भीर घाइते भएका छन् ।
शनिबार साँझ नगरपालिकाको वडा नम्बर ८ थाराबाट लक्ष्मीपुरतर्फ जाँदै गरेको जन्ती बोकेको गाडी वडा नम्बर १० धाइरेमा दुर्घटनामा परेको हो । प्रारम्भिक विवरण अनुसार दुर्घटनामा परी तीन जनाको ज्यान गएको र घाइते १८ जनाको अवस्था गम्भीर रहेको जनाइएको छ ।
सल्यान प्रहरीको सञ्चार शाखाले घटनाबारे थप जानकारी आउन बाँकी रहेको जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
